Ձեր վստահելի աղբյուրը

Արցախի Հանրապետության նախագահ Բակո Սահակյանը փետրվարի 6-ին ստորագրել է հրամանագիր, համաձայն որի` Էմիլ Բաբայանը նշանակվել է ԼՂՀ Նախագահի խորհրդական: Հայտնում են Արցախի Հանրապետության նախագահի աշխատակազմի  տեղեկատվության գլխավոր վարչությունից:

Հիշեցնենք, որ Է. Բաբայանը 2016-ի հոկտեմբերին ՀՀ նախագահի հրամանագրով ազատվել էր Հայաստանի Հանրապետության գլխավոր դատախազի տեղակալի պաշտոնից:

Կենսագրություն

Տարեթիվ, ամսաթիվ, ծննդավայր
  1977 թվականի հոկտեմբերի 2, քաղաք Երևան

  Կրթություն
2002-2003 Լեյդենի Համալսարան, Հոլանդիա: Մագիստրոս, Միջազգային իրավունք` միջազգային քրեական իրավունք մասնագիտացմամբ, 2000-2001 Հայաստանի Ամերիկյան Համալսարան, Մագիստրոս, «Համեմատական սահմանադրական և միջազգային գործարար իրավունքե մասնագիտացմամբ, 1994-1998 Երևանի «Վարդանանց» համալսարան, բակալավր, իրավագիտություն:  

Աշխատանքային գործունեություն
2012թ. հունվարի 9-ից` Բարձրաստիճան պաշտոնատար անձանց էթիկայի հանձնաժողովի նախագահ, 

  2008թ.հուլիսի 11-2012 հունվարի 9` ՀՀ արդարադատության նախարարի տեղակալ

 2003- մինչ այժմ` Հայաստանի Ամերիկյան Համալսարան, Իրավագիտության ֆակուլտետ,

Դասախոս, դասավանդվող առարկաները`
«Ղարաբաղյան հակամարտություն», «Ցեղասպանություն հասկացությունը միջազգային իրավունքում», «Մարդու իրավունքների եվրոպական կոնվենցիա»,

2006-2008թթ. ՀՀ Արդարադատության նախարարություն, Արդարադատության նախարարի տեղակալի օգնական, Մարդու իրավունքների եվրոպական դատարանում ՀՀ կառավարության լիազոր ներկայացուցչի տեղակալ,  

2004-2006թթ. «Ֆորումե» իրավունքի կենտրոն, Ծրագրի ղեկավար,   2002 մարտ – 2002 օգոստոս Հայաստանի ամերիկյան համալսարան՝ իրավագիտության բաժնի գիտաշխատող,   1998 – 2000թթ. Հայ-չինական համատեղ ձեռնարկություն «Պեկին» ՍՊԸ՝  իրավախորհրդատու:   

Այլ տվյալներ
1995-1997թթ. ծառայել է ՀՀ զինված ուժերում:  Ունի արդարադատության 1-ին դասի խորհրդականի դասային կոչում:  

Կուսակցական պատկանելությունը
Անկուսակցական է: 

  Անձնական տվյալներ
Ամուսնացած է, ունի դուստր: