Ձեր վստահելի աղբյուրը

Որոշ ուժերի համար  հաջորդ խորհրդարանում  մանդատի  լինել-չլինելը  դարձել է ամենաարդիական հարցը: ԱԺ-ում հայտարարությունների ժամին ասաց ԱԺ փոխնախագահ Էդուրադ Շարմազանովը:

«Եթե որոշ քաղաքական ուժերի և գործիչների համար շեքսպիրյան մոտիվներն ամենաառաջնայինն են, ապա մեր՝ Հանրապետականի համար  գերխնդիրն այլ է: Մենք արել ու անելու ենք հնարավորը, որպեսզի խորհրդարանական ընտրությունները լինեն ազատ և ժողովրդավարական»,-ասաց Հանրապետական գործիչը:

Նրա խոսքով, ՀՀԿ-ն  պայքարելու է հանուն ուժեղ Հայաստանի, որտեղ չկան ներքին  թշնամիներ, այլ կա միայն գաղափարական մրցապայքար, ազգային և հոգևոր Հայաստանի, որտեղ առաջնայինն  ազգային և քրիստոնեական արժեքներն են, համերաշխ Հայաստանի, որտեղ չկան մերոնք և ձերոնք, անվտանգ Հայաստանի, որտեղ  մեր հայրենիքի և  քաղաքացու անվտանգությունն ու տնտեսական առաջընթացն առաջնայինն է, հանուն արդար Հայաստանի, որտեղ չեն լինի երկակի չափանիշներ և օրենքից իրենց վեր դասող չինովնիկներ:

«Եվ վերջապես հանուն ժողովրդավարական Հայաստանի, որտեղ ամեն ինչ կորոշի քաղաքացու ընտրությունը, կամ ինչպես կասեր Լինքոլնը, որտեղ արդար քվեաթերթիկը փամփուշտից ավելի զորեղ կլինի»,-հայտարարությունը եզրափակեց ԱԺ փոխնախագահը: