Մարտիրոսյանը՝ Փոստանջյանի հայտարարության մասին. «Լավ է արել, ի՞նչ անեմ»

Քաղաքական 13:23 08/02/2017

«Փոստանջյանը մի ամիս է, որ հայտարարում է, իսկ խորհրդի որոշումը մի շաբաթ էլ չկա, որ կայացվել է»: Panorama.am-ի հետ զրույցում անդրադառնալով Փոստանջյանի տարածած հայտարարությանը, արձագանքեց «Ժառանգություն» կուսակցության փոխնախագահ Արմեն Մարտիրոսյանը:

Նրա խոսքով, Փոստանջյանի դիրքորոշումը հիմք չի հանդիսանա խորհրդի որոշումը վերանայելու համար:

Հիշեցնենք, կուսակցության խորհուրդը որոշել է, որ «Ժառանգություն»-ն ընտրություններին կմասնակցի դաշինքով, այսօր տարածած հայտարարության մեջ Փոստանջյանը նշել է, որ չի պատրաստվում միանալ որևէ միավորի:

«Լավ է արել, ես ի՞նչ անեմ: Այդ կարծիքը նա ունեցել է, բարձրաձայնել է: Եվ խորհրդում, և վարչությունում յուրաքանչյուրն ունի մեկ ձայն, անկախ այն բանից դա Զարոհի Փոստանջյա՞նն է, թե՞ Րաֆֆի Հովհաննիսյանը, թե որևէ մեկ այլ անձ: Քվեարկություն է եղել, ճնշող մեծամասնությամբ որոշումը կայացվել է»,-ասաց նա:

Կուսակցության փոխնախագահը հրաժարվեց հրապարակել, թե խորհրդի անդամներից քանիսն են կողմ, և քանիսն են դեմ քվեարկել ընտրություններին դաշինքով մասնակցելու որոշմանը: Չասաց նաև, թե հարցի վերաբերյալ ինչ դիրքորոշում ունի կուսակցության առաջնորդ Րաֆֆի Հովհաննիսյանը:

«Որ մի որոշումն ենք թվերով հրապարակել: Վիճահարույց որոշում չի եղել, ես ասում եմ ճնշող մեծամասնությամբ է ընդունել: Որևէ կուսակցականի անձնական որոշում այսքան ժամանակ որևէ հարցի հետ կապված չի հրապարակվել, թեկուզ առաջնորդի: Եթե ինքը կցանկանա, կոնկրետ ինքը կբարձրաձայնի իր դիրքորոշման մասին»,-ասաց Մարտիրոսյանը:

Նրա խոսքով, այս պահին քաղաքական երկու միավորումների՝ Ելք դաշինիքի ու Օհանյան-Օսկանյան-Դալլաքյան-Հայրիկյան միավորման հետ բանակցությունները շարունակվում են:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: