«Հայկական վերածնունդ»-ն ընտրությունների գնում է վստահ. Մհեր Շահգելդյան

Քաղաքական 12:37 10/02/2017 Հայաստան

«Հայկական վերածնունդ» կուսակցությունն առաջիկա խորհրդարանական ընտրություններին մասնակցելու է միայնակ:

«Անկախ Հայաստանի 25 տարվա պատմությունը ցույց է տվել, որ դաշինքները, որպես կանոն, հիմնված չլինելով ընդհանուր գաղափարախոսական մոտեցումների, քաղաքական տեսլականների, ռազմավարություների վրա, ընտրություններից հետո սկսում են ապակենտրոնացման գործընթացների մեջ հայտնվել, ինչը մենք տեսնում ենք»,- Ազգային ժողովում ճեպազրույցների ժամանակ ասաց «Օրինաց երկիր» խմբակցության քարտուղար Մհեր Շահգելդյանը:

Նրա խոսքով, Հայաստանի զարգացման կարևորագույն խնդիրը քաղաքական ինստիտուտների ձևավորման գործընթացն է: Մ. Շահգելդյանն ասաց, որ առաջիկա խորհրդարանական ընտրություններում իրենց կարևորագույն խնդիրն է լինելու հնարավորություն ստեղծել, որպեսզի ժողովրդի ձայնը տեղ հասնի, այսինքն՝ պայքարել ընտրակեղծիքների, ընտրակաշառքների, խայտառակությունների դեմ, որոնցով հարուստ է Հայաստանի ընտրական պատմությունը:

«Մեր խնդիրն է անցկացնել մաքուր ընտրություններ: Իհարկե, համագործակցելով ընդդիմադիր մյուս քաղաքական ուժերի հետ, պայքարել թափանցիկ ընտրություններ անցկացնելու համար»,- ասաց նա:

Մ. Շահգելդյանը նշեց, որ իրենք ընտրություններին գնում են վստահ, քանի որ հազարավոր մարդիկ իրենց կուսակցության շարքերն են համալրվում, նաև կազմակերպություններ են միանում:

Ինչ վերաբերում է «Հայկական վերածնունդ» երիտմիությունից Դավիթ Հարությունյանին՝ ոչ պարկեշտ վարքագծի պատճառով կուսակցությունից հեռացնելուն, նա ասաց, որ ընտրություններ են, հնարավոր է կան ամբիցիաներ, մոտեցումներ:

«Այս խնդրին այսպես ենք նայում»,- հավելեց նա:

Հարակից հրապարակումներ`

ՀՅԴ-ն գնում է ընտրությունների իր ցուցակով. Արմեն Ռուստամյան

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: