Ձեր վստահելի աղբյուրը

Դաշնակցությունն այս պահի դրությամբ չունի այլ որոշում, քան միայնակ մասնակցել ընտրություններին, որպես առանձին միավոր, ինչպես միշտ եղել է: Լրագրողների հետ հանդիպմանն այսօր հայտարարեց բնապահպանության նախարար Արծվիկ Մինասյանը:

«Ես որպես ՀՅԴ ԳՄ անդամ բնականաբար իմ պատրաստակամությունը, վճռականությունը հայտնել եմ, և կա արդեն որոշում, որ ես ակտիվորեն են մասնակցելու ընտրություններին, ոչ միայն համամասնական ցանկում, այլև ռեյտինգային ցանկով եմ առաջադրվելու Արմավիրի մարզում»,-ասաց նա:

Մինասյանն ասաց, որ իր բոլոր ներուժը ներդնելու է, որ ՀՅԴ-ն կարողանա  սկսած գործերը շարունակել: Նա հիշեցրեց, որ ՀՀԿ-ի հետ ստորագրած կոալիցիոն հուշագիրը կարճաժամկետ չէ, չի ենթադրում ինչ-որ փուլում ավարտ:

«Եթե ընտրություններում հաջողություն ունենանք, կշարունակենք համագործակցությունը մեր ծրագրերի շուրջ, որովհետև դրանք միտված են երկրում հիմնարար փոփոխությունների իրականացմանը»,-ասաց նա: