Ձեր վստահելի աղբյուրը

«Այսօր մեր ազգի դեմոգրաֆիական ապագան, դեմոգրաֆիական անվտանգությունը լրջագույն խնդիր  է, որը լինելու են մեր նախընտրական ծրագրի և քաղաքական պայքարի կիզակետում»,- Հայկական վերածնունդ » կուսակցության 2-րդ համագումարում իր ելույթում հայտարարեց կուսակցության նախագահ Արթուր Բաղդասարյանը՝ նշելով, որ Հայաստանում ամուսնալուծությունների 90 տոկոսի պատճառը սոցիալական է։

«Առաջարկում ենք Հայաստանում վերացնել հիպոտեկային բնակարանների ձեռքբերման դեպքում կանխավճարը՝ 100 տոկոսով: Այն ինչ-որ մենք առաջարկում ենք, մենք դա անելու ենք, թող ոչ մեկ այս դահլիճում չկասկածի։ Յուրաքանչյուր բյուջեի հաշվին ջիպատեր դարձած գյուղապետ Հայաստանում պետք է հասկանա, որ իր գյուղում անվճար մանկապարտեզ պետք է լինի։ Ցանկանում եմ, որ հավատաք մեր ուժին, պոռթկմանը։ Դուք իմ զորքն եք, պայքարի ու պատասխանատվության կոչ եմ անում: Կաշիներդ քերթելու եմ, եթե լավ չաշխատեք»,-դիմելով համագումարին ներկա կուսակցության անդամներին՝ ասաց Բաղդասարյանը։

Անդրադառնալով արտաքին քաղաքականությանը, նա նշեց, որ Հայաստանը պետք է հտևողականորեն զարգացնի իր հարաբերությունները ՌԴ-ի հետ, Իրանի հետ հարաբերությունները խորացնի։

Հավագումարի ավարտին Արթուր Բաղդասարյանը միաձայն ընտրվեց «Հայկական վերածնունդ» կուսակցության կուսակցության նախագահ։ Ավարտից հետո նա հրաժարվեց խոսել լրագրողների հետ, ասելով, որ մոտ օրերս մամուլի ասուլիս կտա։