Ձեր վստահելի աղբյուրը

«Ոչ միայն այս դաշինքը, այլ յուրաքանչյուր կուսակցություն, քաղաքական ուժ, որոնք որ այսօր ձևավորվել են, գնում են իշխանություն ձևավորելու: Նույնն էլ մենք՝ գնում ենք իշխանություն ձևավորելու»,- «Օհանյան-Րաֆֆի-Օսկանյան» դաշինքի ստեղծման հուշագրի ստորագրումից հետո լրագրողների հետ զրույցում  ասաց պաշտպանության նախկին նախարար Սեյրան Օհանյանը՝  պատասխանելով հարցին, թե այս դաշինքը  գնում է իշխանափոխությա՞ն:

Նրա խոսքով, իշխանության ձևավորման ընթացքում, ովքեր կկարողանան ժողովրդի մոտ շատ քվեներ ձեռք բերել, հենց նրանք էլ կլինեն այդ իշխանության տերը:

Հարցին, եթե ՀՀԿ-ն լինի մեծամասնություն, այս դաշինքը նրա հետ կոալիցիոն կառավարություն կկազմի, նա պատասխանեց.  «Մենք դեռևս համապատասխան աշխատանք պետք է տանենք, որպեսզի ունենանք համապատասխան քվե մեր ժողովրդի մոտ: Կարծում եմ՝ ժողովուրդը վստահում է համապատասխանաբար բոլոր կուսակցություներին, մենք հարգում ենք բոլոր կուսակցությունների, դաշինքների գործունեությունը,  բոլորին մաղթում եմ առողջ մրցակցային պայքար, որի արդյունքում կձևավորվի համապատասխան ուժ, որը կղեկավարի մեր երկիրը»:

Հարցին՝ հետընտրական փուլում քաղաքացիներին փողոց դուրս գալու կոչեր կանեք, նա ասաց. «Եկեք ժամանակից շուտ որևէ մի որոշում չընդունենք: Առաջարկում եմ քաղաքակիրթ ձևով, Սահմանադրությամբ ընձեռված հնարավորությունների շրջանակում, խաղաղ պայմաններում, բարեկրթորեն մոտենանք մեր պարտականությունների կատարմանը, ժողովրդին տանենք նրան, որ բարեկիրթ կերպով կատարեն իրենց ընտրությունը»:

Պատասխանելով  լրագրողի հարցին, թե այս դաշինքին Ազատության հրապարակում հանրահավաք անելիս կտեսնենք, Ս. Օհանյանն ասաց.  «Եթե դաշինքը որոշի իր գործունեության մեջ նաև հանրահավաքների իրականացումը, և նաև կարծում եմ, որ հանրահավաքների իրականացումը նախընտրական փուլի միջոցառումների մեջ է մտնում, անկասկած ես լինելու եմ յուրաքանչյուր կուսակցականի, յուրաքանչյուր քաղաքացու կողքին»:

Հարցին, թե ի՞նչպես կվերաբերվեք, եթե հանրահավաք անեք և իշխանությունները բանակը և ոստիկանությանը հանեն հանրահավաքի մասնակիցների դեմ,   նախկին պաշտպանության նախարարն ասաց. «Ես այդ ամեն ինչը տեսնում եմ օրինական շրջանակներում: Ես կարծում եմ, որ այն ուժերը, որոնք գոյություն ունեն պաշտպանելու մեր ներքին անվտանգությունը, պետք է գործեն բացառապես օրենքի շրջանակներում:  Իսկ բանակը մեր ներքին քաղաքական կյանքում, իհարկե, անելիք չունի, բանակը միշտ էլ  զբաղվել է իր խնդիրներով»:

Հարցին, եթե այս դաշինքը  իշխանություն ձևավորի, դաշինքի օրակարգում կլինի՞ Մարտի 1-ի բացահատումը, նա պատասխանեց. «Մենք բացառապես գործելու ենք օրենքի շրջանակում: Եթե նախկինում եղել են թերություններ, որոնք մինչև հիմա բացահայտված չեն, մեր ներուժը կօգտագործենք, որպեսզի այդ ամենը բացահայտվի:  Եթե կան գործեր, որոնք չբացահայտված չեն, օրինապահ մարմինները զբաղվում են, պետք է հասցնենք մինչև վերջ»:

Պատասխանելով հարցին, թե Հայաստանում քաղբանտարկյալներ կա՞ն, Ս. Օհանյանն ասաց. «Քաղբանտարկյալներ այսօր, իհարկե, կան, բայց չեմ ուզում այսօր  այդ ուղղությամբ որևէ …»: