Ձեր վստահելի աղբյուրը

«Օհանյան-Րաֆֆի-Օսկանյան» դաշինքի ընտրական ցուցակը վերջնական կքննարկվի այսօր: Լրագրողների հետ հանդիպմանը «Համախմբում» կուսակցության փոխնախագահ Ստեփան Մարգարյանն ասաց, որ ձգում էին ցուցակի կազմումն այն պատճառով, քանի որ տարբեր ուժեր անընդհատ ներկայանում էին, մեկը դուրս էր գալիս:

«Ինչ վերաբերում է Վիկտոր Դալլաքյանի հայտարարությանը, թե հարցերը չեն քննարկվում, այդպես չէ, հունվարի 2-ից սկսած մենք մշտապես ունեցել ենք քննարկումներ, որոնց մի մասին մասնակցել է նաև Վիկտոր Դալլաքյանը:

Հայաստանի դեմոկրատական կուսակցության նախագահ Արամ Սարգսյանը չի մասնակցել որևէ քննարկման, քանի որ այդ օրերին, ասում էին, քաղաքում չի: Ցանկացած դաշինք կազմվում է  շատ բարդ»,- ասաց Ս. Մարգարյանը:

Նրա գնահատմամբ, նախօրիեն ստորագրված  «Օհանյան-Րաֆֆի-Օսկանյան» դաշինքը բավականին սոլիդ է, հարության համար ընկալելի, ընդդիմադիր դաշտում գործող բավականին լուրջ  ուժ է ձևավորվում:

«Անկեղծ ասած՝  ինձ համար տարօրինակ է՝ ինչու է Սամվել Բաբայնի անունը հայտարարվում դաշինքների, ցուցակների կազմման համար, այդ ուղղությամբ որևէ հայտարարություն չի եղել ոչ մեր, ոչ Սամվել Բաբայանի կողմից: Հիմա Սամվել Բաբայանը կարող է ունենալ անձնական վերաբերումք այս կամ այն կուսակցության, քաղաքական գործչի նկատմամբ, դա իր իրավունքն է, ինքն այդ մասին կհայտարարի:  Պատիվ կլիներ, եթե լիներ մեր ցուցակում, բայց մարդը հայտարարում է, որ չի ուզում:
Ռոբերտ Քոչարյանը չկա այս ասպարեզում, հումորով ենք վերաբերում, որ գրում են՝ Քոչարյանի թիմն է: Այդպիսի բան չկա:  Ռոբերտ Քոչարյանն այս թեմայով որևէ քննարկման չի մասնակցել: Եթե վաղը հայտարարի, որ սատարում է, միայն գոհ կլինեմ, մարդն իր քաղաքական, քաղաքացիական դիրքորոշումն է  ցույց տալիս»,- ասաց Ս.Մարգարյանը:

Նա նաև տեղեկացրեց, որ իրենց դաշինիք նախընտրական ծրագիրը կոչվելու է «365 օր», ներառելու է Հայաստանի գրեթե բոլոր մարտահրավերները, կարաևորագույն ոլորտները:
«Մենք առաջարկելու ենք իրատեսական ծրագիր, Հայաստանի յուրաքնաչյուր քաղաքացի տեսնելու է իր շահը, մեկ տարվա ընթացքում զգալու է փոփոխություն»,- նշեց «Համախմբում» կուսակցության փոխնախագահը: