Ձեր վստահելի աղբյուրը

Մեծ Բրիտանիայի նախկին վարչապետ Բլերը հանդես է եկել ելույթով՝ փորձելով հակառակը համոզել բրիտանացիներին, որոնք հանրաքվեում քվեարկել են Եվրամիությունից երկրի դուրս գալու օգտին,-գրում է BBC-ի ռուսական ծառայությունը։

Բլերի խոսքով՝ մարդիկ իրենց ձայները Brexit-ի օգտին են տվել՝ չիմանալով դրա իսկական պայմանների մասին:

Նա հայտարարել է, որ ներկայիս իշխանությունների կողմից անցկացվող քաղաքականությունը հանգում Է «Brexit` ամեն գնով» կարգախոսին:

«Մեր խնդիրն է՝ ըմբռնման համար պարզ ձևով հաշվարկել, թե Brexit-ի գործընթացը ինչ իրական վնաս կբերի մեր երկրին ու մեր քաղաքացիներին, և աջակցություն գտնել անդունդի եզրին ներկա վիճակից ելք գտնելու համար»,-ասել է նախկին վարչապետը:

Բլերը նշել է, որ թեև ինքն ընդունում է անցյալ տարվա հունիսյան քվեարկության արդյունքները, բայց առաջարկում է մեկ անգամ ևս ուսումնասիրել ընդունված որոշումը: