Ձեր վստահելի աղբյուրը

Կառավարության աշխատակազմի ղեկավար-նախարար Դավիթ Հարությունյանից լրագրողները հետաքրքրվեցին խորհրդարանական ընտրությունների քվեարկության օրվա փոփոխության մասին:

«Ընտրության օրվա  հետ կապված ավել բան չունեմ ասելու: Նախագահը շատ հստակ նշել էր, երբ պարզ լինեն  մասնակից կուսակցությունները, այս պահին ինը կուսակցություն հայտ է ներկայացրել: Կարծում եմ, որ քննարկումներ կսկսեն այդ կուսակցությունների հետ: Իհարկե, վերջնական որոշում պետք է կայացնեն գրանցված կուսակցությունները»,-ասաց նա:

Հարությունյանին խնդրեցին մեկնաբանել իր՝ Հայաստանի Հանրապետական կուսակցությունում չընդգրկվելը: Նախարարը հրաժարվեց հարցին պատասխանել՝ հիմնավորելով, որ ասուլիսի թեմայի հետ առնչություն չունի:

«Համարում եմ  ոչ կոռեկտ Կենտրոնական ընտրական հանձնաժողովի կողմից հրավիրած միջոցառման ժամանակ անդրադառնալ կուսակցական հարցերին»,-ասաց նա:

ԿԸՀ նախագահ Տիգրան Մուկուչյանն էլ հիշեցրեց, որ ԿԸՀ-ն օրենքի համաձայն, պարտավորել է ցուցաբերել քաղաքական զսպվածություն: