Կառավարության կողմից դրական եզրակացություն ստացած Սյունիքի և Լոռու մարզերի ներդրումային ծրագրերի ցանկը

Տնտեսություն 18:50 21/02/2017 Հայաստան

Կառավարության կողմից դրական եզրակացություն ստացած Սյունիքի և Լոռու մարզերի ներդրումային ծրագրերի ցանկը

ՀՀ վարչապետի գլխավորությամբ ՀՀ մարզեր աշխատանքային այցերի արդյունքում մարզերից տարածքային կառավարման և զարգացման նախարարություն են ստացվել մի շարք ներդրումային ծրագրերի առաջարկություններ:

Տարածքային կառավարման և զարգացման նախարարությունից հայտնում են, որ փետրվարի 10-ին վարչապետ Կարեն Կարապետյանի գլխավորությամբ կառավարությունում Սյունիքի և Լոռու մարզերից ներկայացված ներդրումային ծրագրերի փաթեթների վերաբերյալ խորհրդակցությունից հետո դրական եզրակացություն են ստացել Սյունիքից` 2 և Լոռիից` 3 ներդրումային ծրագրեր: Սյունիքի մարզից ստացված ծրագրերը վերաբերում են գյուղտեխնիկայի մատակարարման բազայի ձևավորմանը, սառնարանային տնտեսությունների հիմնմանը, իսկ Լոռու մարզից ծրագրերը վերաբերում են հացի արտադրությանը, ֆերմերային տնտեսությունների ստեղծմանը, գյուղմթերքի վերամշակմանը:

Աղբյուրը հայտնում է, որ ծրագրերի իրականացման ժամկետները կախված են ծրագրի ոլորտից և ներդրումային ծավալներից, շահագրգիռ գերատեսչություններում կատարվում են հավանության արժանացած ծրագրերի իրականացման նախապատրաստական աշխատանքներ:

1.	ՀՀ Սյունիքի մարզ	Խնձորեսկ Շինուհայր Ախթալյան Անգեղակոթ	«ՀՀ Սյունիքի մարզում գյուղատնտեսական սարքավորումների վարձակալության և սպասարկման կենտրոնների ստեղծում» ներդրումային ծրագիր
2.	ՀՀ Սյունիքի մարզ	Սիսիան և Շվանիձոր	«ՀՀ Սյունիքի մարզում սառնարանային տնտեսությունների, ինչպես նաև տեխնիկական մշակաբույսերի միջհամայնքային մթերման ու տեսակավորման կենտրոնների ստեղծում» ներդրումային ծրագիր
3.	ՀՀ Լոռու մարզ	Ալավերդի	«Ալավերդու հացի գործարան» ԲԲԸ-ի զարգացման ծրագիր
4.		Ամրակից	«Ֆերմերային տնտեսություն հիմնում» ներդրումային ծրագիր ներկայացում
5.		Վանաձոր համայնք,	«Ռոզֆռուդ» արտադրամասի ընդլայնում» ներդրումային ծրագիր

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: