Ձեր վստահելի աղբյուրը

«1000 դրամների հիմնադրամը աշխատում է, հիմնադրամի խորհուրդը ձևավորվեց անցած կառավարության նիստի որոշմամբ և առաջիկա օրերին մենք անցկացնելու ենք հիմնադրամի հոգաբարձուների խորհրդի առաջին նիստը, որի ժամանակ մի շարք կարևոր փաստաթղթեր, կարգավորումներ պետք է ընդունվեն»,-այսօր լրագրողների հետ ճեպազրույցում հայտնեց ՀՀ պաշտպանության նախարար Վիգեն Սարգսյանը։

Նա հիշեցերեց, որ հիմնադրամի գործուներությունը տարածվում է սույն թվականի հունվարի 1-ից տեղի ունեցած դեպքերի վրա և շեշտեց, որ իրենք անպայման կանդրադառնան այն դեպքերին, որոնք տեղի են ունեցել օրենքի ընդունման և ուժի մեջ մտնելու հատվածում։

«Մենք շատ կարևոր խնդիր լուծեցինք, ձևավորեցինք մի գործիք, որով պետությունն ու հասարակությունը յուրաքանչյուր զինծառայողին վստահություն են ներշնչում, որ դժբախտ պատարի, հաշմանդամության ձեռքբերման և մահվան դեպքում, նրա ընտանիքի կողքին կանգնած կլինեն: Այդ ընտանիքի կողքին կանգնած կլինի մեր ողջ ժողովուրդը: Մենք արդեն այսօր ունենք համակարգ, երբ զոհված սպայի ընտանիքը, առաջին կարգի հաշմանդամություն ունեցող սպայի ընտանիքը ստանալու է 82 միլիոն դրամի գումար, որը կարծում եմ լուրջ աջակցության է»,- ասաց նախարարը:

Պաշտպանության նախարարը տեղեկացրեց նաև, որ շուտով կգործարկվի նաև հիմանադրամի կայքը, որի միջոցո մարդիկ կկարողանան տեսնել շահառուների թիվը, որոնք ստացել են այդ գումարները: