Ձեր վստահելի աղբյուրը

«Առայժմ մենք ներկայացրել ենք տնտեսական և սոցիալական ոլորտում մեր քայլերը, որոնք ռադիկալ կերպով կկանգնեցի այն սրընթաց անկումը, որն այդ ոլորտներում առկա է»:

Լրագրողների հետ հանդիպմանը հայտարարեց «Ծառուկյան» դաշինքի համապետական ցուցակում ընդգրկված «Ալյանս» կուսակցության նախագահ Տիգրան Ուրիխանյանը:

Նրա խոսքով, եթե քաղաքացիներն ուզում են փոփոխությունները զգան իրենց մաշկի վրա, ապա պետք է նոր պրոդուկտի, նոր արտադրության, նոր դրամական միջոցների ներգրավում լինի:

«Եթե չեն բացվում գործարաններ, չեն ստեղծվում աշխատատեղեր, չկան  սպասարկման ու առևտրի ոլորտներում  ազատականացում, աշխուժացում, հավասար պայմաններ, ուրեմն ոչ մի ցնցում, ծայրահեղականություն չի բերելու հացի կարիք ունեցողին հաց, դեղ ու բուժում»,-ասաց նա:

Ուրիխանյանն անդրադարձավ Օհանյանի այն հայտարարությանը, որ իրենց դաշինքը միակն է, որը չի կառավարվում իշխանությունների կողմից:

«Մեր դաշինքը կառավարվում է Գագիկ Ծառուկյանի կողմից, դաշինքի մաս կազմող քաղաքական կուսակցությունների, խորհուրդների ու մշտապես գործող մարմինների կողմից»,-ասաց նա:

Թիվ 2 ընտրատարածքում ռեյտինգային ցուցակով առաջադրված Տիգրան Ուրիխանյանն ասաց, չի պատրաստվում կաշառք բաժանել, որևէ նյութական բան, դրամ առաջարկել, ահազանգեր այլ ուժերի թեկնածուների կողմից կաշառք բաժանելու վերաբերյալ: Իսկ ահազանգերի դեպքում, պատրասվում է  գնալ մինչև վերջ:

«Դրանց խիստ վերաբերմունք ու արձագանք է լինելու: Առայժմ ես ֆիքսում եմ լուրջ ազդեցության դրսևորում: Մարդիկ, ովքեր որևէ տեղ  աշխատում են, սարսափի մեջ են ընկնում, երբ իրենց առաջարկվում է քննարկել տարբեր քաղաքական ուժերի մոտեցումներ, ծրագրեր, առաջարկներ: Ակնհայտ է, որ այսօր ազդեցության բոլոր մեթոդները կիրառվում են, սա շատ ավելի մտահոգիչ երևույթ է այս փուլում, թե հետո ինչ կլինի, կտեսնենք»,-ասաց նա: