Ձեր վստահելի աղբյուրը

Կոնվերս Բանկը,  «Յունիսթրիմ» -ի հետ համագործակցությամբ շրջանակում, հաճախորդներին է առաջարկում  նոր՝ «Card2cash» ծառայությունը: Դրա  շրջանակում, VISA,  MasterCard համակարգերի քարտապանները Կոնվերս Բանկի կայքի հղումով կարող են իրենց բանկային քարտերից կատարել դրամական փոխանցում՝ նշելով իր անուն ազգանունը,  քարտի տվյալները,   ստացողի անուն ազգանունը և երկիրը:

«Այս ծառայությունը ներդրել ենք Կոնվերս Բանկի  ինտերնետ բենքինգի  զարգացման քաղաքականության շրջանակում՝պարզեցնելով  դրամական փոխանցումների գործընթացը:  Ծառայության  գաղափարախոսությունը մշակելիս հաշվի է  առնվել նաև հանգամանքը, որ երբեմն՝ չնախատեսված իրավիճակներում, դրամական փոխանցումների շտապ կարիք է առաջանում նաև շաբաթ կամ կիրակի օրերին:  »Card2cash» ծառայությունը  հասանելի է  լինելու այդ թվում ոչ աշխատանքային օրերին՝ ցանկացած ժամի»,- տեղեկացնում են Բանկի հասարակայնության հետ կապերի ծառայությունից՝ նշելով, որ  փոխանցումն անմիջապես  հասանելի է դառնում ստացողին: Այն հնարավոր է ստանալ տվյալ երկրում  Յունիստրիմ համակարգի հետ համագործակցող բանկերի ցանկացած մասնաճյուղում/ ԱՊՀ, Եվրոպա/:

Բանկի հասարակայնության հետ կապերից հայտնում են, որ ևս մեկ  ծառայության՝ «Cash2card»-ի շրջանակում հաճախորդը Կոնվերս Բանկի մասնաճյուղերից  կարող է գումար փոխանցել սեփական կամ ցանկացած այլ անձի բանկային քարտին: Ծառայության շրջանակում հնարավոր են փոխանցումներ հայաստանյան և օտարերկրյա բանկերի թողարկած VISA ,  MasterCard համակարգերի քարտերին ,  ինչպես նաև ռուսաստանյան Ստանդարտ բանկի թողարկած American Express և Diners Club International քարտերին:

Ծառայությունների մանրամասներին, մատուցման պայմաններին կարելի է ծանոթանալ Կոնվերս Բանկի պաշտոնական կայքում և մասնաճյուղերում: