Ձեր վստահելի աղբյուրը

Քաղաքագետ Սերգեյ Մինասյանը ԵԱՀԿ Մինսկի խմբի՝ երեկ տարածած հայտարարությունը   տարօրինակ է համարում:

«Մինսկի խմբի համանախագահները փորձում են հնարավոր բոլոր ձևերով իրենց ունեցած լծակներն օգտագործել: Դրա հետ մեկտեղ մի քիչ տարօրինակ է հայտարարության այն հատվածը, որտեղ նշվում է, որ կողմերը իրար են մեղադրում այդ էսկալացիայի մեջ, դրանից հետո խոսվում է, այն մասին, որ պետք է վերադարձվեն զոհվածների դիակները: Սա այն պարագայում, երբ մենք գիտենք, որ խոսքը վերաբերում է միայն ու միայն ադրբեջանցի հատուկ ջոկատայինների դիակներին»,-Panorama.am-ի հետ զրույցում ասաց «Կովկաս» ինստիտուտի փոխտնօրեն Սերգեյ Մինասյանը:

Նրա խոսքով, մեղավորներն ավելի քան պարզ են:

«Ես կասկած չունեմ, որ Մինսկի խումբը լիովին տեղյակ է դեպքի մանրամասներին: Պարզապես, դիվանագիտական ո՞ճն է, թե՞ այլ պատճառներ կան, որ Միսնկի խումբը նման մի քիչ տար օրինակ հայտարարություններ է անում»,-ասաց նա:

Հիշեցնենք, Արցախի ՊՆ-ն հայտարարել էր, որ փետրվարի 25-ի գիշերը Մարտունու ուղղությամբ
հակառակորդի դիվերսիոն հետախուզական խմբի ներթափանցման և հայկական ուժերի կողմից դրանց վնասազերծման գործողություն է իրականացվել, ինչի հետևանքով հակառակորդը կրել է կորուստներ՝ 5 դիակ թողնելով չեզոք գոտում:

Ըստ ՊԲ համապատասխան ծառայությունների կողմից ձեռքբերված տվյալների՝ զոհվածների թվում են Ադրբեջանի ԶՈւ 181-րդ բրիգադի հետախուզության պետ, մայոր Աբդուլաևը, բրիգադի հետախուզական վաշտի հրամանատար, ավագ լեյտենանտ Աշիմլի Շախլարը, հետախույզ Ադըհուսեյնովը ու ևս երկու զինծառայող, որից մեկը՝ սակրավոր: