Ձեր վստահելի աղբյուրը

Այն ընթացքում, երբ մյուս երկրները ամեն կերպ կանխում են ծխելու նորագույն տեխնոլոգիաների մուտքն իրենց սպառման շուկա, «Ֆիլիպ Մորիս Ինթերնեյշնլ Մենեջմենթ Էս Էյ» ընկերության Արևելյան Եվրոպայի, Միջին Արևելքի և Աֆրիկայի տարածաշրջանի և «Ֆիլիպ Մորիս Ինթերնեյշնլի Դյութի Ֆրի»-ի նախագահ Դրագո Ազինովը ժամանեց Հայաստան՝ հետազոտությունների և մշակումների (R&D) կենտրոններ հիմնելու առաջարկով: Այս մասին գրել է «Голос Армении» թերթը:

«Նշենք, որ «Ֆիլիպ Մորիս»-ը 2014թ-ից սկսել է արտադրել IQOS կոչվող էլեկտրոնային սիգարետները, որոնցում թութունը տաքանում  է մինչև 350 աստիճան, չի այրվում և ծխողը ստանում է նիկոտինի նույն դոզան՝ շնչելով ոչ թե ծուխը, այլ՝ գոլորշի: Հայտարարվում է, թե այդ ծխախոտային գոլորշին «քիչ վնասակար է, քան սովորական ծխախոտը»:  Փորձագետների  կարծիքով՝ IQOS-ն, ըստ երևույթին, սպառողին մոլորեցնելու մարկետինգային քայլ է, որի նպատակը համաշխարհային շուկայում ընկերության դիրքերը պահպանելն է:   

2014թ-ին «Ֆիլիպ Մորիս»-ը ՌԴ կառավարությանն է  ներկայացրել այդ երկրում հետազոտությունների և մշակումների կենտրոն հիմնելու առաջարկ, սակայն 2016թ-ին առաջարկը մերժվել է: Ռուսական ԶԼՄ-ների փոխանցմամբ՝ այդ հարցը բավականին երկար քննարկվել է և պարզվել է, որ ընկերության կողմից գովազդվող առաջարկը որևէ փաստական հիմնավորման չի արժանացել:  …ՌԴ վարչապետ Դմիտրի Մեդվեդևի պաշտոնական ներկայացուցիչ Օլեգ Սալագայը նշել է, որ էլեկտրոնային ծխախոտ օգտագործների թվում շատ եմ մարդիկ, ովքեր նախկինում ծխախոտ երբևէ չեն օգտագործել: Ավելին, նշվում է, որ վնասակարության ցուցանիշը նվազեցնելու պատճառաբանությամբ արտադրվող սիգարետներն, իրականում, չծխողներին ներգրավելու միջոցով շուկան ընդլայնելու միտում ունեն»,-հավելել է թերթը: