Մեր ծրագիրն իրականում սովորական նախընտրական ծրագիր չէ. Լևոն Զուրաբյան
«Կոնգրես-ՀԺԿ ծրագիրն իրականում սովորական նախընտրական ծրագիր չէ, այլ ճշմարտությունը ժողովրդին ասելու ծրագիր է», -ներկայացնելով իրենց նախընտրական ծրագիրն՝ ասաց ՀԱԿ փոխնախագահ, պատգամավոր Լևոն Զուրաբյանը:
Նա նշեց, որ ընտրարշավը լավ հնարավորություն է ճշմարտությունը ժողովրդին հասցնելու համար. «Տարիներ շարունակ պետական պրոպագանդան զբաղվել է նրանով, որ այդ ճշմարտությունը թաքցրել է, մատուցել են հեքիաթներ, թե իբր Ղարաբաղի հարցը լուծված է, բայց անցել է 18 տարի և այդ բոլոր հեքիաթները փուչիկի նման տրաքում են: Մենք գալիս ենք խաղաղություն հաստատելու, խաղաղությունն առաջ տանելու ծրագրով ու վստահ ենք, որ Հայաստանը պետք է վերածել լրիվ նոր տիպի պետության»։
Լ. Զուրաբյանը ներկայացրեց իրենց ծրագրի հիմնական դրույթները՝ ընդգծելով, որ բացի խաղաղության ծրագրից ներկայացնում են, թե ինչ կանեն երկիրն օրինակելի պետական մոդել դարձնելու համար, ինչ կանեն Հայաստանում ստեղծելու զարգացման, գործարարության, ստեղծագործ աշխատանքի համար բոլոր նպաստավոր պայմաններ:
Կոնգես-ՀԺԿ նախընտրական ծրագրի ներկայացման ժամանակ ներկա էր նաև դաշինքի համամասնական ընտրական ցուցակի 2-րդ հորիզոնականը ներկայացնող ՀԺԿ նախագահ Ստեփան Դեմիրճյանը: Նա նշեց, որ իրենք առաջնահերթ խնդիր են համարում արժանապատիվ խաղաղության հաստատումը, Հայաստանի, Արցախի անվտանգության ապահովումը, հայ ժողովրդի ազատ զարգացման համար նպաստավոր պայամանների ապահովումը: Ս. Դեմիճյանի խոսքով, ղարաբաղյան հակամարտությունը ռազմական լուծում չունի, պետք է խնդիրը լուծվի խաղաղ բանակցությունների միջոցով, բանակցությունների լիիրավ կողմ պետք է հանդիսանա Լեռնային Ղարաբաղի Հանրապետությունը:
«Ադրբեջանի ռազմաքաղաքական ղեկավարությունը պետք է գիտակցի, որ ռազմական ճանապարհով ի վիճակի չէ լուծել հարցը, ցանկացած ագրեսիա, ոտնձգություն կկասեցվի Հայաստանի զինված ուժերի կողմից: Խաղաղ կարգավորումը բխում է երկու ժողովուրդների շահերից»,- ասաց Ս. Դեմիրճյանը:
Նա նշեց, որ խաղաղության հաստատման հետ միասին կարևորագույն խնդիր է ժողովորդավարական ընտրությունների անցկացումը, ժողովրդի վստահությունը վայելող իշխանություն ձևավորելը, օրինականություն հաստատելը, կոռուպցիայի դեմ իրական պայքար ծավալելը, այդ թվում նաև հետամուտ լինել թալանված միջոցները պետբյուջե վերադարձնելու հարցում, կոնկրետ քայլեր արվեն երկրում սոցիալական արդարության հաստատման ուղղությամբ:
«Պետք է ձգտնեք խաղաղության, միաժամանակ լուծենք մեր ներքին խնդիրները»,- ասաց Ս. Դեմիրճյանը:
ՀԱԿ-ից Արամ Մանուկյանն ասաց, որ իրենց դաշինքն ամենաինտելեկտուալն է, ցուցակում շատ են մշակույթի, արվեստի գործիչները, գիտնականները: Նա խոսքով, իրենց ծրագիրը խիստ հավակնոտ է, համարձակ:
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
