Ձեր վստահելի աղբյուրը

Արմավիրի մարզն ընդգրկող թիվ 6 ընտրատարածքում «Ելք» դաշինքի տարածքային ցուցակում ընդգրկված է յոթ թեկնածու: Նրանցից երկուսը կանայք են՝ Մարիամ Գրիգորյան, Արուսյակ Մանավազյան:

Երեք կուսակցություններից կազմված դաշինքից այստեղ կպայքարեն նաև Շանթ Գրիգորյանը, անհատ ձեռնարկատեր Արման Ղուկասյանը և այլք:

«Ազատ դեմոկրատներ»-ն այստեղ ունեն 6 թեկնածու: Պատգամավոր դառնալու համար պայքարելու են կուսակցության մամուլի խոսնակ Սոնա Մինասյանը, ուսուցչուհի Դիաննա Գասպարյանը, ճարտարագետ Հայկ Սարգսյանը: Մյուս երեք թեկնածուները՝ Հռիփսիմե Օհանյանը, Ներսես Արզականցյանը, Հարություն Հակուբյանը չեն աշխատում:

Թիվ 6-ում «Հայկական վերածնունդ»-ն ունի 15 թեկնածու, նրանցից տասը չեն աշխատում: Այստեղ պայքարելու են Կարեն Կաապետյանը, Սվետլանա Ավագյանը, Մխիթար Ավագյանը, Արտակ Աբրահամյանը, Գայանե Սիրադեղյանը և այլք:

«Ծառուկյան» դաշինքի տարածքայում ցուցակում կա 8 թեկնածու: Նրանցից երկուսը՝ Արայիկ Աղաբաբյանն ու Հրանտ Դավթյանը գործող պատգամավորներ են:  Ցուցակում ընդգրկված են նաև «Մաքսֆրութ» ՍՊԸ նախագահ Հակոբ Հակոբյանը, մանկավարժ Ալվարդ Խաչունցը, «Էդարմանտ» ՍՊԸ կայքի պատասխանատու Ավետիս Բաբաջանյանը և այլք:

Կոնգրես-ՀԺԿ-ն այստեղ 9 թեկնածու, նրանց թվում 3 գյուղատնտես կա, չորսը չեն աշխատում: Թիվ 6 ընտրատարածքից ընտրվելու համար պայքարելու են Սեդրակ Հովհաննիսյանը, Տոնական Կարապետյանը, բժիշկ-ստոմատոլոգ Անահիտ Մանուկյանը, անհատ ձեռներեց Աշոտ Շավեշյանը, Ստեփան Նավասարդյանը և այլք:

ՀՀԿ-ի տարածքային ցուցակում 8 թեկնածու կա: Նրանցից առավել հայտնի են գործող պատգամավոր, գեներալ-մայոր Սեյրան Սարոյանը, ԱԺ պատգամավոր Ալեքսան Պետրոսյանը, ով առավել հայտնի է «ՄԱՊ-ի Ալիկ» անունով, ԱԺ պատգամավոր Առաքել Մովսիսյանը (Շմայս): Բացի նրանցից ցուցակում ընդգրկված են ԱԺ պագամավորներ Հրանտ Գրիգորյանն ու Նահապետ Գևորգյանը: Ցուցակում կան նաև մանկավարժներ:

Հայաստանի կոմունիստական կուսակցությունն Արմավիրում առաջադրել է 12 թեկնածու՝  հիմնականում գործազուրկներ ու  առաջին քարտուղարներ են: Այստեղ պայքարելու են Թադևոս Բոբոխյանը, Արթուր Եղիազարյանը,  Վարդիթեր Լաբոյանը, Գառնիկ Մուրադյանը, Վարդան Շահինյանը և այլք:

Օհանյան-Րաֆֆի-Օսկանյան դաշինի տարածքային ցուցակում 11 թեկնածու կա, նրանցից 5-ը չեն աշխատում, մեկը ֆերմեր է, կանայք երեքն են:

Այստեղ պատգամավոր դառնալու համար պայքարելու են փականագործ Վաչագան Հակոբյանը, մարզադպրոցի փոխտնօրեն Գագիկ Մարգարյանը, մենեջեր Տաթևիկ Սիրեկանյանը և այլք:

ՀՅԴ-ն Արմավիրում առաջադրել է 13 թեկնածուի: Նրանց թվում է բնապահպանության նախարար Արծվիկ Մինասյանը, Արմավիրի փոխմարզպետ Գագիկ Գաբրիելյանը, «Մոնոլիտ» գործարանի տնօրեն Անդրանիկ Կարապետյանը, Այգեշատ համայնքի ղեկավար Արամայիս Մխիթարյանը, մենատնտես Հերմինե Մնացականյանը և այլք: