Ձեր վստահելի աղբյուրը

Թուրքիայի նախագահ  Ռեջեփ Թայիփ Էրդողանը Գերմանիայի իշխանությունների քաղաքականությունը նացիզմի հետ է համեմատել, քանի որ վերջիններս արգելել են Թուրքիայի արդարադատության նախարար Բեքիր Բոզդաղին ելույթ ունենալ Գերմանիայում թուրքական համայնքի ներկայացուցիչների առջև հանրահավաքի ժամանակ: «Կոմերսանտ»-ը գրում է, որ հանրահավաքը նվիրված էր Թուրքիայի սահմանադրական բարեփոխման հանրաքվեին, որը կայանալու է ապրիլի 16-ին::

«Գերմանիան շեղվել է ժողովրդավարական ուղուց, երկրի այժմյան քաղաքականությունը ժողովրդավարության հետ որևէ ընդհանուր բան չունի, անգամ համեմատելի է նացիստական ռեժիմի հետ»,- Daily Sabah-ը մեջբերել է Էրդողանին:

Մարտի 2-ին Թուրքիայի  ԱԳՆ էր հրավիրվել Գերմանիայի  դեսպանը կապված նախարարի ելույթի արգելքի հետ:  Դեսպանին նոտա էին հանձնել: Աղբյուրը նաև հիշեցնում է, որ Էրդողանը Գերմանիային մեղադրել էր ահաբեկչության աջակցության մեջ, մասնավորապես գերմանական իշխանությունների հասցեին քննադատությամբ էր հանդես եկել Ստամբուլում Die Welt-ի գերմանացի թղթակցի ձերբակալությունից հետո, որին Թուրքիայում կասկածում են գրոհայինների հետ կապերի մեջ: