![](https://panorama.am/news_images/581/1740384_1/9.thumb.png)
Եվրոպայի խորհուրդը 1-ին կարգի ահազանգ է հնչեցնում բլոգեր Լապշինին Ադրբեջանում դատելու կապակցությամբ
Եվրոպայի խորհրդի Լրագրության և լրագրողների անվտանգության պաշտպանության խթանման պլատֆորմն այսօր հայտարարություն է տարածել, որով առաջին կարգի ահազանգ է հնչեցնում բլոգեր Ալեքսանդր Լապշինին Ադրբեջանում սպառնացող դատավարություն կապակցությամբ։
Նշվում է, որ ռուս-իսրայելցի բլոգեր Ալեքսանդր Լապշինը ձերբակալվել է Մինսկում 2016թ․-ի դեկտեմբերի 15-ին Ադրբեջանի պահանջով ու արտահանձնվել Բաքու 2017թ․-ի փետրվարի 7-ին։
«Լապշինին սպառնում է առավելագույն 8 տարվա բանտարկություն՝ 2011թ․-ի ապրիլին, 2012թ․-ի հոկտեմբերին և 2016թ․-ի հունիսին Լեռնային Ղարաբաղ այցելելու համար Ադրբեջանի պետական սահմանը ապօրինի հատելու, «հակապետական կոչեր» անելու ու Ադրբեջանին քննադատելու համար»,-ասվում է հայտարարության մեջ։
Նշվում է, որ ներկայումս Լապշինը գտնվում է Բաքվի Կուրդահանիի նախնական կալանքի բանտում։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան