Ձեր վստահելի աղբյուրը

«Հնարավոր համարո՞ւմ եք ինչ-որ հանգամանքներում  այս կուսակցության օգտին քվեարկելը կա սկզբունքորեն բացառում եք նման հնարավորությունը»: Հասարակական կարծիքի ուսումնասիրության համառուսաստանյան  կենտրոնը (ВЦИОМ)  փետրվարի 22-26 –ը Հայաստանում անցկացրած սոցհարցման շրջանակում  նման հարցով դիմել է 1600 քաղաքու:

Հարցվածների 69 տոկոսը հնարավոր համարել է իր ձայնը տա «Ծառուկյան» դաշինքի օգտին, 24-ը՝ հնարավոր չի համարել, 49 տոկոսը հնարավոր համարել է ՀՀԿ-ի օգտին, 44 տոկոսը՝ հնարավոր չի համարել, 67  տոկոսը իր ձայնը չի տա «Ելք»-ին, 70-ական տոկոսը՝ «Օհանյան-Րաֆֆի-Օսկանյան» դաշինքին, ՀՅԴ-ին, 72 տոկոսը՝ Կոնգրես-ՀԺԿ դաշինքին, 74 տոկոսը՝ «Ազատ դեմոկրատներ» կուսակցությանը, 75-ական տոկոս՝ Կոմկուսին, «Հայկական վերածնունդ» կուսակցությանը:

Հարցման արդյունքները լրագրողներին ներկայացրեց Հասարակական կարծիքի ուսումնասիրության համառուսաստանյան  կենտրոնի գլխավոր տնօրեն Վալերի Ֆյոդորովը:

Հարցին, թե՝ «Կթվարկենք տարբեր քաղաքական գործիչների անուններ, պետք է ասեք՝ ո՞ւմ եք ճանաչում, ո՞ւմ՝ ոչ: Եթե ճանաչում եք, ինչպե՞ս եք վերաբերվում նրանց՝ բացասական, չեմ վստահում կամ դրական, վստահում եմ»: 

Գագիկ Ծառուկյանին 87 տոկոսը վերաբերում է դրական, վստահում է, 60 տոկոսը՝  Տարոն Մարգարյանին, 37 տոկոսը՝ Վիգեն Սարգսյանին, 56 տոկոսը՝ Նիկոլ Փաշինյանին, 27 տոկոսը՝ Արամ Զ. Սարգսյանին (35 տոկոսը՝ բացասական, չեն վստահում ), 19 տոկոսը՝ Էդմոն Մարուքյանին: Անահիտ Բախշյանին  դրական է վերաբերվում և վստահում է հարցվածների 48 տոկոսը: Արթուր Բաղդասարյանին հարցվածների 53 տոկոսը բացասական է վերաբերվում,  չի  վստահում, 33 տոկոսը՝ հակառակը: Ստեփան Դեմիրճյանի դեպքում տոկոսները՝ հավասար ենք՝ 38:
Լևոն Տեր-Պետրոսյանին հարցվածների 60 տոկոսը չի վստահում:

Հասարակական կարծիքի ուսումնասիրության համառուսաստանյան  կենտրոնի անցկացրած հարցման արդյունքներն ամբողջությամբ՝ կենտրոնի կայքում:

Նշենք, որ «Սոցիալ-քաղաքական իրավիճակը Հայաստանում խորհրդարանական ընտրությունների նախաշեմին» սոցիալական հարցումն անցկացվել է «Շանթ» հեռուստաընկերության պատվերով: