Ձեր վստահելի աղբյուրը

Հասարակական կարծիքի ուսումնասիրության համառուսաստանյան  կենտրոնի (ВЦИОМ)  փետրվարի 22-26 –ը Հայաստանում անցկացրած սոցհարցմանը մասնակցած 1600 քաղաքացու 31 տոկոսը միանշանակ դրական, 46 տոկոսը՝ ավելի շուտ դրական է գնահատում Կարեն Կարապետյանի գլխավորած կառավարության գործունեությունը:

Հարցվածների 7 տոկոսը ավելի շուտ բացասական է վերաբերվում, 5 տոկոսը՝ միանշանակ բացասական, 6 տոկոսը որևէ բան չգիտի կառավարության աշխատանքի մասին, 4 տոկոսը դժվարացել է պատասխանել:

Հարցման արդյունքները լրագրողներին ներկայացրեց Հասարակական կարծիքի ուսումնասիրության համառուսաստանյան   կենտրոնի գլխավոր տնօրեն Վալերի Ֆյոդորովը: «Սոցիալ-քաղաքական իրավիճակը Հայաստանում խորհրդարանական ընտրությունների նախաշեմին» սոցիալական հարցումն անցկացվել է «Շանթ» հեռուստաընկերության պատվերով փետրվարի 22-26 –ը:

Վարչապետ Կարեն Կարապետյանի ծառայությունները ըստ հարցվածների՝ 13 տոկոս՝ գնաճի զսպում, 8 տոկոս՝ կադրային փոփոխություններ, 4 տոկոս՝ հսկողություն, խստություն, 3-ական տոկոս՝ փոփոխություններ հարկային ոլորտում,  կոռուպցիայի դեմ պայքար, ճանապարհային երթևեկության համակարգի բարելավում, խոսք, շփում, վարչապետի այցեր:

Թե ինչ բացթողումներ է արել վարչապետը ըստ հարցման.   2 տոկոս՝ կրճատում, օպտիմալացում, 2 տոկոս՝ գնաճ, գնանկման բացակայություն:

Նշենք, որ հարցումը անց է կացվել ռուսերեն լեզվով: Քանիսն են մերժել հարցումը՝ լեզուն չիմանալու պատճառով՝ հայտնի չէ: