Ձեր վստահելի աղբյուրը

ՀՀ վարչապետ Կարեն Կարապետյանն այսօր՝ մարտի  10-ին, ՀՀԿ-ի նախընտրական քարոզարշավի շրջանակներում այցելել է Սյունիքի մարզի Սիսիան քաղաք, որտեղ   քաղաքացիների հետ հանդիպման ժամանակ վստահեցրել է, որ Հայաստանի իշխանությունները պատրաստակամ են կառուցելու այնպիսի երկիր, որ ապագա սերունդը երբևէ չմտածի այն լքելու և արտերկիր տեղափոխվելու մասին, այնպիսի երկիր, որով բոլորը կհպարտանան: Այս մասին փոխանցում է Armenpress.am-ը:

«Պետք է կառուցենք այնպիսի պետություն, որ անկախ նրանից՝ դա կլինի ՀՀ վարչապետ Կարեն Կարապետյանի՞, թե սովորական քաղաքացու երեխան կամ թոռը, չի մտածի այստեղից գնալու մասին: Մենք հասկանում ենք, թե ինչ ծանր լուծ, բեռ ենք վերցնում մեզ վրա և այդ գործում ներկայանում ենք մեր պատասխանատվությամբ և անհանգստությամբ»,- ասել է ՀՀ վարչապետը:

Կարեն Կարապետյանի խոսքով՝երկրի հիմնական կապիտալը մարդն է, որի համար պետք է ստեղծել այնպիսի պայմաններ, որ լիարժեք կարողանա օգտագործել իր ամբողջ ներուժը:

«Պետք է աշխատող մարդու համար ստեղծենք բարենպաստ միջավայր»,- ընդգծել է վարչապետը: