Ձեր վստահելի աղբյուրը

Տավուշի մարզն ընդգրկող թիվ 13 ընտրատարածքում «Ելք» դաշինքն առաջադրել է 5 թեկնածու: Նրանցից երկուսը կանայք են, երկուսը՝  կրթական համակարգի մարդիկ: ԵՊՀ դոցենտ Լիպարիտ Մելիքջանյանը, Մխիթար Սեբաստացի կրթահամալիրի դասավանդող Հերմինե Անտոնյանը: Սիփան Փաշինյնաը «Մեր տպարան» ՍՊԸ փոխտնօրենն է, Սարգիս Ալեքսանյանը «Հորիզոն» ՍՊԸ աշխատակից է:

«Ազատ դեմոկրատներ»-ն այստեղ ունեն 7 թեկնածու, նրանցից երկուսը կանայք են, երկուսը՝ անկուսակցական: Տարածքային ցուցակում է կուսակցության փոխնախագահ Անժելա Խաչատրյանը, Գյուղատնտեսական համալսարանի դասախոս Կարիեն Խաչատրյանը, SERA ՍՊԸ հիմնադիր-տնօրեն Խաչիկ Քոոքոբելյանը և այլք:

«Հայկական վերածնունդ» կուսակցությունն այստեղ ունի 7 թեկնածու, այս ուժի պարագայում էլ ընտրապայքարի մեջ են մտել հիմնականում մանակավարժները:
Նրանց թվում են Չինչին համայնքի ղեկավար Կարեն Դարբինյանը, Դիլիջանի Վ. Անանյանի անվան դպրոցի ուսուցիչ Շուշանիկ Սահակյանը, Կողբի թիվ մեկ դպրոցի ուսուցիչ Կարապետ Սիմոնյանը,  Իջևանի թիվ մեկ դպրոցի ուսուցչուհի Վարսիկ Վարագյանը և այլք:

«Ծառուկյան» դաշինքն այտեղ առաջադրել է 7 քաղաքացու թեկնածություն, որից երկուսը կանայք են, երկուսը՝  անկուսակցական:
Հայկ Ղուկասյանը սպորտի և երիտասարդության հարցերի նախարարի խորհրդականն է, Վարուժան Բաբաջանյանն ու Արմեն Խառատյանը անհատ ձեռնարկատերեր են, Արմենւոհի Մաիլյանը «Հայբուսակ» համալսարանի դասախոս է:

Կոնգրես-ՀԺԿ դաշինքն այստեղ առաջադրել է յոթ թեկնածու, նրանցից մեկը թոշակառու է, վեցը՝ գործազուրկ: Թեկնածուներից երկուսը կանայք են, Անահիտ Ջուլհակյանը Բերդի թիվ 3 դպրոցի ուսուցչուհի է: Այստեղ պայքարելու են նաև Մանե Մանուչարյանը, Արտակ Նասիբյանը, Գոգաիկ Քոսակյանը և այլք:

ՀՀԿ-ն Տավուշում առաջադրել է 7 թեկնածու: Նրանց թվումէ  ԱԺ պատգամավոր Հակոբ Հակոբյանը,  «Գրանդ Տոբակո» ընկերության ֆինանսական տնօրեն Գրիգորի Ավալյանը, «Գազպրոմ Արմենիա» ընկերության Տավուշի ԳԳՄ տնօրեն Սեյրան Խառատյանը, Տավուշի մարզպետարանի կրթության, մշակույթի և սպորտի վարչության պետ Կարեն Նազարյանը և այլք:

Կոմկուսն այստեղ առաջադրել է 7 թեկնածու: Նրանցից մեկը թոշակառու է, մեկը՝ գործազուրկ: Թեկնածուների թվում են Աննա Բաղդասարյանը, Յուրա Բեկնազարյանը, Մանյա Խեչյանը, Սեյրան Պետրոսյանը և այլք:

Օհանյան-Րաֆֆի-Օսկանյան դաշինքի տարածքային ցուցակում 7 թեկնածու կա, երկուսը կանայք են: Թեկնածուների մեծ մասը՝ չորսը չեն աշխատում, մեկը գործարար է՝ Հովսեփ Վերանյան, մեկը՝ քաղաքագետ, Գեղամ Նազարյանը: Ալվարդ Սիրադեղյանը Այրումի դպրոցի ֆիզկուլտուրայի ուսուցչուհին է:

ՀՅԴ-ն Տավուշում   ունի 7 թեկնածու: Ցուցակում ընդգրկված են հայտնի վիրաբույժ Արտավազդ Սահակյանը, Տավուշի փոխմարզպետ Վարդան Ալեքսանյանը, մարզպետարանի առողջապահության և սոցիալական հարցերի վարչության պետ Լևոն Վանցյանը, «Հայանտառ» ՊՈԱԿ-ի Իջևանի մասնաճյուղի տնօրեն Սուրեն Մանուկյանը և այլք: