Ձեր վստահելի աղբյուրը

«Սառը պատերազմի ավարտից հետո պարզվեց, որ չկա որևէ մի փաստաթուղթ, պայմանավորվածություն, թե ինչ ուղղությամբ պետք է գնա աշխարհը: Դա ոչ միայն Արևմուտքի էլիտայի, նաև խորհրդային էլիտայի թերություն է»,- «Վալդայ» բանավեճի միջազգային ակումբի` Երևանում անցկացվող արտագնա նիստում ունեցած ելույթում ասաց Հայաստանի Հանրային խորհրդի նախագահ Վազգեն Մանուկյանը:

Նման պայմաններում, նրա խոսքով, այն երկրները, որոնք տնտեսական խնիդրներ ունեին, պետք է միավորվեին ու ստեղծեին միություն:

Խոսելով ԵԱՏՄ-ի մասին, Վ. Մանուկյանն ասաց, որ կան մեծ խնիդրներ, որն առաջին հերթին կապված է ՌԴ-ի և Արևմուտքի միջև առկա հակազդեցությամբ:

«Ռուսաստանն ու Արևմուտքը պետք է համաձայնության գան: Աշխարհում յուրաքանչյուր հակասություն, առավել ևս մեր տարածաշրջանում, հարված է նաև մեր ազգային շահերին»,- ասաց Վ. Մանուկյանը:

Նա նշեց, որ ոչ մի տնտեսական միություն չի կարող հաղթել, եթե չկա ընդհանուր քաղաքականություն, իսկ ԵԱՏՄ-ի պարագայում այդ ընդհանուր քաղաքականությունը չկա:

«Յուրաքանչյուր երկիր իր սեփական քաղաքականություն է վարում՝ երբեմն մեծ հակասություններ  ունենալով ներքին գործընկերների հետ»,- ասաց Վ. Մանուկյանը՝ օրինակի համար նշելով ռուս բլոգեր Լապշինի գործը, ում Բելառուսը հանձնեց Ադրբեջանին:

«Ռուսաստանն ասում էր՝ պետք չի հանձնել, Հայաստանը խնդրում էր՝ չհանձել, բայց  Բելառուսը հանձնեց: Արտաքին քաղաքական ասպեկտն  ավելի մեծ նշանակություն ունի, քան ներքին միասնությունը»,- հավելեց նա: