Ձեր վստահելի աղբյուրը

«Տաս տարի առաջ ես ասում էի, որ Հարավային Կովկասի համար  վտանգները հիմնականում գալիս են հենց  Հարավային Կովկասից: Այսօր այդպես չէ»,- «Վալդայ» բանավեճի միջազգային ակումբի` Երևանում անցկացվող արտագնա նիստում  ելույթ ունենալով  հայտարարեց Կովկասի ինստիտուտի տնօրեն Ալեքսանդր Իսկանդարյանը:

Նա նշեց, որ այս տարիների ընթացքում  փոխվել է ամեն ինչ, երբեք Սիրիան, Իրաքը չեն լինի այնպիսին, ինչպիսին եղել են:

«Մեր աչքի առաջ փոխվում է Թուրքիան»,- հավելեց քաղաքագետը՝ նշելով, որ այս ամենը կտրուկ փոխում է տարածաշրջանը, տարածաշրջանի երկրներն ենթարկվում են այդ ազդեցությանը հենց այս պահին:

«Այս անկայուն  վիճակում մենք պետք է ապրենք, գոյություն ունենանք: Այս ամենը մենք պետք է  նվազագույնը գիտակցենք, հասկանանք, փորձենք մտածել՝  ինչ կերպ պետք է այս պայմաններում գոյություն ունենանք»,- ասաց Ա. Իսկանդարյանը: