Ձեր վստահելի աղբյուրը

«Խորհրդարանում 70 հոգի նստած մարդ կա, ովքեր ոչինչ չեն նշանակում, մարդ կա, 20 տարվա մեջ ոչ մի բառ չի խոսել ու այդ այդ մարդիկ 5 տարին մեկ գալիս են, ձեր ականջները լվանում են, գրպաններդ փորձում 10 հազար դրա մտցնել ու ասել, որ էլի իրենց ձայն տաք»,- Արմավիրի մարզի Դալարիկ գյուղում նախընտրական քարոզարշավի շրջանակում ընտրողների հետ հանդիպման ժամանակ ասաց ԱԺ ՀԱԿ խմբակցության անդամ, «Կոնգրես-ՀԺԿ» դաշինքի պագամավորության թեկնածու Արամ Մանուկյանը:

Դիմելով հավաքվածներին՝ նա նշեց. «Մի անգամ եկեք կանգնեցնենք այս անարժանապատիվ ընթացքը, այդ անգրագետներին մի ուղարկեք պառլամենտ: Խայտառակություն է: Ոհմանի նման հավաքվում են ամիսը մեկ, ասում են՝ այս կոճակին կսեղմեք 15 անգամ, իրենքը չգիտեն, թե ինչ են քվեարկում: Պատգամավոր կար, որ պետք է խոսեր,  կոճակը միացնելու տեղը չգիտեր: 5 տարի նստել է այնտեղ ու չգիտի, թե ինչպես միացնի միկրոֆոնը»:

Հավաքվածներից մեկն ասաց, որ այսօր մարդիկ գնում են Հայաստանից, քանի որ աշխատանք չունեն:

Դաշինքի պատգամավորության թեկածու Լևոն Զուաբյանը նշեց. «Պետք է երկրի զարգացման, կառավարման պլան ունենաս: Մենք եկել ենք ասելու, որ երկիրը զարգացնելու միակ տարբերակը խաղաղություն հաստատելն է»: