Ձեր վստահելի աղբյուրը

«Ելք» դաշինքի  անդամները նախընտրական քարոզարշավ են իրականացնում Երևանի Արաբկիր համայնքում՝  պատգամավորության թեկնածու Նիկոլ Փաշինյանի գլխավորությամբ:

«Հայաստանը համակած հուսահատության ճահճից ելք կա, ապրիլի 2-ին կարող եք օգտվել ելքի այդ հնարավորությունից՝ գնալով ընտրատեղամասեր և «Ելք» դաշինքի օգտին քվեարկելով»,- դիմելով բնակիչներին՝ ասաց Նիկոլ Փաշինյանը:

Քաղաքացիներից մեկը հետաքրքրվեց, թե ինչպե՞ս պետք է իրենց քվեները պահպանեն:

«Վերջին թիվը Մուկուչյանը (ԿԸՀ նախագահ Տիգրան Մուկուչյան) չէ՞ պետք է  հայտարարի, կողքը մարդ լինելո՞ւ է»,- հետաքրքրվեց քաղաքացին:

Ն. Փաշինյանն ասաց. «Այնտեղ էլ մարդ ունենք: Մուկուչյանը  կարդում է այն թիվը, որն իրեն  հասցնում են տեղամասերից: Եթե մենք տեղամասերը պահենք ամեն տեղամասում երկու վստահված անձով, չի կարող ուրիշ թիվ կարդալ: Եթե ուրիշ թիվ կարդա, ու  մենք ապացույց ունենանք, որ ուրիշ թիվ է եղել, ուրիշ է կարդացել, բոլորս հյուր կգնանք հրապարակ, Մուկուչյանին, և ոչ միայն Մուկուչյանին»:

Քաղաքացիներից մեկն էլ ասաց, որ միակ ելքը միանալն է, որպեսզի այս կառավարությանը հեռացնեն:

Ն. Փաշինյանը ասաց, որ բացառված է, որ «Ելքը» կոալիցիա կազմի ՀՀԿ-ի հետ, որևէ պարագայում չեն կազմի.«Եթե գնանք խորհրդարան, տեսնենք շանս կա այլ ուժերի հետ  առանց ՀՀԿ-ի կոալիցիա կազմել, ՀՀԿ-ին ընդդիմություն դարձնել, իշխանափոխություն իրականացնենք, մենք կգնանք այդ ճանապարհով»: