Ձեր վստահելի աղբյուրը

«Այսօր թյուրիմացություն է եղել, մենք ընդամենը մի փոքր դահլիճային հանդիպում էինք ունենալու, սակայն սխալ ժամանակացույց էր դրված եղել, դրա համար մենք հանդիպման այս ձևը ընտրեցինք։
Իհարկե, եթե իմանայինք, որ հանդիպմանն այս ձևն է լինելու, կարծում եմ այստեղ ասեղ գցելու տեղ չէր լինի»,-այսօր Երևանի Մալաթիա-Սեբաստիա վարչական շրջանում ընտրողների հետ բացօթյա հանդիպմանն ասաց «Հայկական վերածնունդ» կուսակցության համամասնական ցուցակի երրորդ տեղում գտնվող, ԱԺ պատգամավորի թեկնածու Հեղինե Բիշարյանը։

Նրա խոսքով՝ այս համայնքում, ՀՎԿ-ը շատ ակտիվ է, ունի իր բանակն ու նվիրյալները,
«Արել ենք ու անելու են ամեն ինչ, որպեսզի յուրաքանչյուր քաղաքացու ձայն տեղ հասնի։ Ես երբեք իմ խոսափողը բաց չեմ թողել, երբեք չեմ բացակայել խորհրդարանում, երբեք իմ ընտրողներին հուսախաբ չեմ արել, երբեք չի եղել մի օրենք, որի քննարկմանը չմասնակցեմ»,-ասաց նա։

ՀՎԿ նախագահ Արթուր Բաղդասարյանն իր ելությում նշեց, որ այս համայնքում իրենք ունեն մրցունակ թիմ և այդ մրցունակությունն ապացուցվել է անցնող բոլոր ընտրություններում. «Վստահ եմ, որ նորից Մալաթիա-Սեբաստիայում ունենալու ենք լուրջ հաջողություններ, քանի որ մեր քաղաքական թիմը մոտիվացված է։ Մենք ներկայացրել ենք պատգամավորական թեկնածուների, ովքեր փորձառու են»։