Սահակ եպիսկոպոս Մաշալյանը կոչ է արել քվեարկել Գերմանիայի թեմի առաջնորդի օգտին

Հասարակություն 16:00 14/03/2017

Սահակ եպիսկոպոս Մաշալյանը կոչ է արել քվեարկել Գերմանիայի թեմի առաջնորդի օգտին

Կ.Պոլսի Հայոց պատրիարքարանի հոգևոր խորհրդի նախագահ Սահակ եպիսկոպոս Մաշալյանը հայտարարել է մարտի 15-ին կայանալիք տեղապահի ընտրություններում իր թեկնածությունը հանելու մասին: Նա կոչ է արել ընտրությանը մասնակցող հոգևորականններին քվեարկել Գերմանիայի թեմի առաջնորդ Գարեգին արքեպիսկոպոս Բեկչյանի օգտին:

«Ագօս» թերթի գլխավոր խմբագիր Է. Դանձիկյանի հետ հարցազրույցում նշել է Պատրիարքի ընտրությունների կազմակերպման կարևորությունը և նշել, որ նախկինում իր հրաժարականի մասով արված կոշտ քննադատությունն ու գնահատականները հնարավոր է անհանգստացարած ու բարկացրած լինեն որոշ հոգևորականների, իսկ այդ իրավիճակը կարող է Արամ Աթեշյանին հնարավորություն տալ քվեարկության արդյունքում տեղապահ ընտրվել:

Մաշալյանը նշել է, որ Արամ Աթեշյանը շարունակում է ջանքեր գործադրել՝ տեղապահ ընտրվելու ուղղությամբ:
Ըստ նրա՝ Աթեշյանի տեղապահ ընտրվելու դեպքում պատրիարքի ընտրությունների գործընթացը էականորեն կտուժի և մյուս թեկնածուների համար ընտրություններին քարոզչության, իրենց ներկայացման համար հավասար պայմաններ չեն ապահովվի, ուստի Գարեգին Բեկչյանը կարող է այդ հարցում ավելի արդար լինել:

«Ասում եմ, որ տեղապահի ընտրություններում ինձ չքվեարկեն, ինձ ընտրել ցանկացողները իրենց ձայնը թող տան Գարեգին Բեկչյանին, ժողովրդի մասին մտածեն, նաև իրենց պատիվը փրկեն: Ես էլ, Սեպուհ սրբազանն էլ որպես տեղապահի ամենահարմար թեկնածու ենք դիտում Գարեգին Սրբազանին: Երկար ժամանակ չարաշահումներով հայտնի մի թեկնածուի՝ տեղապահի պաշտոնում ընտրվելը նաև նրանց համար է խնդիր»,- ասել է Սահակ Մաշալյանը:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: