Ձեր վստահելի աղբյուրը

Քաղաքական գիտությունների դոկտոր, պրոֆեսոր  Գարիկ Քեռյանն ուսումնասիրել է խորհրդարանական ընտրություններին մասնակից ինը ուժերի ծրագրերը:

«Դրանք կարելի է բաժանել երկու թևի՝ ծրագրեր, որոնք քաղաքական ընդհանուր հարցադրումներ են անում՝ ռազմավարական ու մարտավարական, և ծրագրեր, որոնք կենտրոնացած են կոնկրետ գործնական քայլերի վրա, որոնք  առաջիկա հինգ տարիների ընթացքում պետք է ապահովեն երկրի զարգացման տեսլական»,-ասաց քաղաքագետը լրագրողների հետ հանդիպմանը:

Նրա գնահատմամբ, «Ազատ դեմոկրատներ»-ի ծրագիրը մյուսներից տարբերվում է նրանով, որ արտաքին քաղաքական հարցադրումներն այստեղ բավականին շեշտադրված են: Կուսակցությունը հստակորեն ասում է, որ Հայաստանը պետք է դուրս գա ԵԱՏՄ-ից և ուշադրություն դարձնի ՆԱՏՕ-ի հետ համագործակցության հարցերին:

«Այս քաղաքական ուժն առանձնանում է մյուսներից նաև այն հանգամանքով, որ կասկածի տակ է դնում ՀԱՊԿ-ին Հայաստանի մասնակցության հարցը, դրա նշանակությունը՝ անվտանգության առումով»,-ասաց Քեռյանը:

«Ծառուկյան»,  ՕՐՕ  դաշինքների ու «Հայկական վերածնունդ»-ի  ծրագիրը երկրորդ տիպի ծրագրերի թվում են:

«Իհարկե սա մի կողմից տանում է շատ պարզության, բայց պետք է նկատի ունենալ, որ դա կարող է  դրական ազդեցություն ունենալ ընտրազանգվածի ընդլայնման առումով»,-ասաց նա:

Քաղաքագետի դիտարկումներն ամբողջությամբ՝ տեսանյութում: