Ձեր վստահելի աղբյուրը

Մոսկվայի Մեծ թատրոնում կայացել է BraVo միջազգային երաժշտական մասնագիտական մրցանակաբաշխության հաղթողների մրցանակների հանձնման արարողությունը: spletnik.ru կայքը գրում է, որ արտասահմանից և ռուս մի շարք հայտնի արտիստներ՝ Սոֆի Լորեն, Նիկոլ Շերզինգեր, Եկատիրինա Գուսևա, Աննա Սեմենովիչ, Նաստյա Կինսկի,  Վլադիմիր Սպիվակով, Դիանա Վիշնյովա և ուրիշներ հավաքվել էին՝ մրցանակներ շնորհելու դասական և ժողովրդական երաժշտության ներկայացուցիչներին իրենց վաստակի համար:

ՏԱՍՍ-ի հաղորդմամբ, իտալական կինոյի աստղ Սոֆի Լորենը  մրցանակ է շնորհել ԽՍՀՄ ժողովրդական արտիստ, ջութակահար, դիրիժոր Վլադիմիր Սպիվակովին՝ տաղադներին աջակցելու համար:

«Տիկնայք և պարոնայք, մեզանից յուրաքանյուրն ուզում է տուն կառուցել, դաստիարակել ու ունենալ երջանիկ երեխաներ, իրենից հետո  բարի հետք թողնել երկրի վրա: Դուք կառուցել եք Ձեր երաժշտության տունը, դուք օգտնում են հազարավոր շնորհալի երեխաների գտնելու իրենց ուղին և իրականացնելու իրենց երազանքը: Մեծ պատիվ և երջանկություն է մրցանակ շնորհել մաեստրոյին: Բրավո»,- ասել է Ս. Լորենը:

Ստանալով մրցանակը՝ Սպիվակովն ասել է, որ «բրավո» բառը Իտալիայից է եկել. «Այդ բառի կարիքն ունեն բոլորը՝ մեծից փոքր: Այն մխիթարում է, տալիս հոգու արիություն: Շատ կարևոր բառ է»:

Մրցանակ է շնորհվել նաև ԽՍՀՄ արտիստ, բալետմայստեր  Յուրի ԳրիգորովիչԻն, ՌԴ ժողովրդական արտիստ, օպերային երգիչ Դմիտրի Խվորոստովսկուն: