Ձեր վստահելի աղբյուրը

«Սոցիալական ցանցերն աշխարհի համար հաղորդակցության գործիք են, սոցալական ցանցերը թույլ են տալիս  վստահություն ստեղծել որոշակի ոլորտներում, հաղորդկացվել աշխարհով մեկ մարդկանց հետ», -Երևանում ընթացող «Ճգնաժամից դեպի զարգացում՝ սնվելով հաղորդակցությամբ» թեմայով ֆորումի ժամանակ ասաց «The Huffington Post»-ի սյունակագիր Շոն Գարդները:

Նա նշեց, որ ինտերնետն ու սոցիալական ցանցերը կարևոր են կոմերցիայի մեջ, շատ կարևոր դեր են խաղում առևտրում, թույլ են տալիս մարդկանց առնվազն ստեղծել գործընկերություններ իրենց տարածաշրջանից դուրս:

«Սոցիալական ցանցերն արագ են աշխատում, հզոր են, քանդում են երկրներին, մարդկանց մեկուսացնող պատերը»,- ասաց նա:

Հիշեցնենք, որ Երևանում անցկացվում է Հասարակայնության հետ կապերի հայաստանյան ասոցիացիայի (APRA)՝ Դավոսի հաղորդակցության համաշխարհային ֆորում ասոցիացիայի (World Communication Forum Association) հետ համագործակցությամբ կազմակերպված WCFDavos/Yerevan երկօրյա ֆորումը: Ֆորումի տարածաշրջանային նիստն անց է կացվում «From Crisis to Development - Powered by Communication» («Ճգնաժամից դեպի զարգացում՝ սնվելով հաղորդակցությամբ») թեմայով:

Ֆորումի լսարանը Հայաստանում հաղորդակցության, PR-ի, մարքեթինգի և հարակից ոլորտների մասնագետներն են, մասնագետները պետական և մասնավոր հատվածից, ինչպես նաև համայնքային զարգացման մեջ ներգրավված մասնագետները և կազմակերպությունները: