Ձեր վստահելի աղբյուրը

«Հայկական վերածնունդ» կուսակցության նախընտրական հերթական հանդիպումը Շիրակի մարզում էր։  Արթիկում բնակիչների հետ հանդիպմանը ՀՎԿ նախագահ Արթուր Բաղդասարյանը ասաց, որ իրենց կուսակցության քաղաքական ղեկավարության հիմնական մասը արմատներով Շիրակի մարզից է և իրենք Շիրակից ակնկալում են ավելի մեծ աջակցություն։

«Եթե ուզում ենք, որ երկրում առաջընթաց ու զարգացում լինի, ապա պետք է այնպես անել, որ ամեն  մարդ զբաղվի իր գործով: Պետության կառավարման գործերով պետք է զբաղվեն պետական և քաղաքական գործիչները։ Այսօր մենք տեսնում ենք՝ լավ վիրաբույժները, բժիշկները դարձել են պատգամավորության թեկնածուներ, իսկ նրանց գործը լավ վիրահատաւոյթուն անելն է»,-ասաց Բաղդասարյանը։

Նրա խոսքով՝ իրենք միակ քաղաքական ուժն են, որ արդեն տասը տարի պայքարում են ավանդների վերադարձման համար. «Մենք հասել ենք նրան, որ արդեն 41 մլն դոլար՝ 100 հազար ավանդատու ստացել են: Եվ եթե մեր քաղաքական թիմը հաղթի, այս գործընթացը կշարունակվի»:

Գյումրիում ՀՎԿ նախագահը բնակիչներին կոչ արեց կարևորել իրենց ձայնն ու քվեն։
Ներկայացնելով կուսկացության 30 կետանոց ծրագիրը, նա խոստացավ ընտրվելու դեպքում դա շատ արագ իրականություն դարձնել. «Գյումրին այսօր թշվառագույն վիճակում է, համատարած գործազրկություն ու աղքատություն է, այս ամենը պետք է հաղթահարենք մեր միացյալ քվեով ու պայքարով»։