Ձեր վստահելի աղբյուրը

«Կազմակերպությունից խնդրել ենք բոլոր ձայնագրությունները, հիմա գնում են ուսումնասիրություններ, որովհետև պետք է այդ ամբողջը լսել, յուրաքանչյուրն իրենից ներկայացնում է մեկ ինքնուրույն փաստական հանգամանք»,-Չեխովի դպրոցում ընտրողների գրանցում իրականացնող տեխնիկական սարքավորումների ցուցադրում-փորձարկումից հետո լրագրողների հետ զրույցում ասաց Կենտրոնական ընտրական հանձնաժողովի նախագահ Տիգրան Մուկուչյանը՝ անդրադառնալով  «Իրազեկ քաղաքացիների միավորում» ՀԿ-ի տարածած տեղեկություններին ու ձայնագրություններին, ըստ որոնց ՀՀԿ-ն չարաշահում է վարչական ռեսուրսը դպրոցներում ու մանկապարտեզներում:

Նա նշեց, որ կլսեն ձայնագրությունները,  այնուհետև կհայտնեն իրենց դիրքորոշման մասին:

Նշենք, որ այդ ձայնագրությունների վերաբերյալ նախօրեին հայտարարություն էր տարածել ՀՀԿ-ն: Կառավարության աշխատակազմի ղեկավար-նախարար Դավիթ Հարությունյանն այսօր ասել էր, որ ընդհանուր գնահատական  տալ չի կարող, պետք է մանրամասն ուսումնասիրի: