Ձեր վստահելի աղբյուրը

«Ելք» դաշինքի պատգամավորության թեկնածուներ Նիկոլ Փաշինյանն ու Արամ Սարգսյանն այսօր նախընտրական քարոզարշավը շարունակել են Արարատի մարզի Մասիս քաղաքում։

«Մենք եկել ենք ձեզ ասելու, որ Հայաստանը համակած հուսահատության ճգնաժամից ելք կա: Ապրիլի 2-ին դուք կարող եք օգտվել ելքի այդ հնարավորությունից՝ ընտրատեղամասեր գնալու և «ելք»-ի օգտին քվեարկելու: Սիրելի մասիսցիներ, ապրիլի 2-ին գնացեք ընտրատեղամասեր և գլուխներդ բարձր, դուխով քվեարկեք մեր օգտին»,- ընտրողներին հորդորել է Փաշինյանը։

Նա քարոզարշավը նմանեցրել է մարաթոնյան վազքի, որի ժամանակ ընտրողների աջակցությունն իրենց նոր էներգիայով է օժտում։

«Կամ ֆուտբոլում ո՞նց է։ Ասում են՝ հանդիսատեսը 12-րդ խաղացողն է։ Հիմա դուք դառնո՞ւմ եք 12-րդ խաղացող»,- հավաքված քաղաքացիներին հարց է ուղղել պատգամավորը։

Երբ մասիսցիներից մեկը հակադարձել է՝ ախր ՀՀԿ-ի ռեսուրսը շատ մեծ է «Ելք»-ի անդամը նկատել է . «Մի քիչ սիրուն չի ասել, բայց ռեժիմը խուճապի մեջ է»:

Պատգամավորության թեկնածու Արամ Սարգսյանը ևս մասիսցիներին հորդորել է քվեարկել «Ելք»-ի օգտին