Ձեր վստահելի աղբյուրը

ԱՊՀ դիտորդական առաքելությունը միջանկյալ զեկույց է հրապարակել ՀՀ-ում նախընտրական քարոզարշավի վերաբերյալ, որում  նշված է, որ ՀՀ-ում խորհրդարանական ընտրությունների մասնակիցներին հավասար հնարավորություն է ընձեռվել քարոզարշավի համար։

Զեկույցի համաձայն՝ արդի տեխնոլոգիաների օգտագործումն ուղղված է կանխելու կրկնաքվեարկությունները, ուրիշի փոխարեն ընտրություն կատարելը։

Զեկույցում նաև նշվում է, Խորհրդարանական  ընտրությունների մասնակիցներին  հավասար հնարավորություն է ընձեռվել քարոզարշավի համար։ Քարոզարշավն ընթանում է  ազատ մթնոլորտում՝ թույլ տալով մասնակիցներին բացահայտ կերպով մեկնաբանել քաղաքական տեսակետները և գնահատականները, ընտրողներին ծանոթացնել  նախընտրական ծրագրերի հետ։

Դիտորդական առաքելությունը նաև նշում է, որ ընտրական նոր օրենսգքրի ընդունումը ուղղված է ընտրական համակարգի կատարելագործմանը, ինչպես նաև արդար քաղաքական մրցակցության ապահովման հավելյալ երաշխքիներին, քաղաքական կուսակցությունների գործունեության ակտիվացմանը և ընտրական գործընթացներին մասնակցությանը:

Զեկույցի համաձայն նախընտրական պայքարին մասնակից քաղաքական ուժերը ակտիվ քարոզարշավ են անցկացնում: Քարոզարշավն առնանձնանում է քաղաքացիական հասարակության ակտիվ ներգրավվածությամբ: ԱՊՀ երկրների դիտորդները ներկա են գտնվել քաղաքական ուժերի կողմից կազմակերպված հանրահավաքներին:

«Քարոզարշավն ընդհանուր առմամբ ընթանում է գոևրծող օրենքի շրջանակներում»,- նշված է զեկույցում: