Ձեր վստահելի աղբյուրը

«Ընտրական օրենսգրքի քարոզչքության վերաբերյալ դրույթներում հստակ տերմին չենք տեսնի այն մասին, որ ցուցակագրումն արգելվում է»,-լրագրողների հետ հանդիպմանը հայտարարեց «Թրանսփերենսի ինթերնեյշնլ» հակակոռուպցիոն կենտրոնի իրավախորհրդատու Հերիքնազ Տիգրանյանը, անդրադառնալով մանկապարտեզների ու դպրոցների տնօրեների կողմից ընտրողների ցուցակագրման մասին ձայնագրություններին: Նա նշեց, որ իրենք ամենևին էլ միամիտ չեն ու չեն կարծում, որ օրենսգրքում այդ նույն բառերն են գտնելու:

«Կան քարոզչության կանոններ, որոշակի սահմանփակումներ, արգելքներ, որոնք վերաբերում են  քարոզչություն իրականացնող անձանց համար»,-ասաց նա:

Տիգրանյան ասաց, որ մանկավարժները թեև ԸՕ-ով քարոզչություն իրականացնելու համար արգելված սուբյեկտ չեն, սակայն նրանց համար կա հստակ սահմանափակում՝ իրենց լիազորություններն իրականացնելիս նրանք չեն կարող զբաղվել քարոզչությամբ:

«Կարող է լինել հակադարձում, որ մանակավարժներն այս դեպքում ցուցակագրելով չեն իրականացրել քարոզչություն, այլ ընդամենը մոբիլիզացրել են իրենց ընտրազանգվածին, բայց ԸՕ-ն ունի մեկ այլ դրույթ՝ 22-րդ հոդվածն է, որը հստակ արգելում է ընտրողի կամքի ազատ արտահայտման վրա ներգործությունը, նաև կա քրեական պատասխանատվություն՝ ընտրողի կամքի ազատության վրա ազդելու դեպքերում, ինչը նշնակում է, որ մանկավարժները, ունենալով ծառայողական որոշակի ենթակայության հարաբերություններ, իրենց մանակավարժների, ծնողական համայնքի նկատմամբ, երբ որ իրականացնում են հավաքագրման գործողություններ, արդեն իսկ ազդում են ընտրողի կամքի ազատ արտահայտման վրա, սրա գնահատականը պետք է տան իրավապահները: Այսինքն ես այստեղ տեսնում եմ նաև քրեորեն պատժելի արարքի հատկանիշներ»,- նշեց Հերիքնազ Տիգրանյանը:

«Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանն էլ խոստացավ հրապարակել այն չինովնիկների անունները, ովքեր մասնակցել են այս գործընթացին,  հանձնարարել են տնօրեններին ցուցակ ներկայացնել:

«Սա իրական պատկերը չէ: Մենք զանգահարել ենք 136 դպրոցների ու մանկապարտեզների տնօրենների, որոնցից 114-ը՝ 80 տոկոսը  խոստովանել են, որ ընդգրկված են այդ պրոցեսում»,-ասաց նա, հիշեցնելով, որ Հայաստանում միայն 1400 դպրոց կա:

Նա մանրամասնեց, որ զանգահարել են այն դպրոցների տնօրեններին, որոնց հեռախոսահամարները եղել են համացանցում:

«Պատահական են ընտրված»,-ասաց նա:

Անդադրադառնալով այն խոսակցություններին, թե իրենք գործում են ՀՀԿ-ի դեմ, Իոնեսյանն ասաց. «Ուրիշ էլ ո՞վ ունի վարչական ռեսուրս: Գնայի՞նք, տեսնեինք, Նոր Կյանք գյուղում «Ելք»-ը վարչական ռեսուրս չարաշահում է, թե՞ չէ: «Ելք»-ի ամբողջ վարչական ռեսուրսը դա Նոր Կյանք գյուղի գյուղապետարանն է, օրինակի համար: Մեզ կարող են մեղադրել, որ մենք չենք ուսումնասիրել նաև Դաշնակցության մասով: Ես դրանք կընդունեմ