Ձեր վստահելի աղբյուրը

«Ներքևում հնչող ձայները պետք  է հասցվեն բարձր հարթակ և հասարակության հիմնախնդիրները պետք է լուծումներ ստանան»,-այսօր կայացած քննարկման ժամանակ նման տեսակետ հայտնեց Հայկական վերածնունդ կուսակցության պատգամավորության թեկնածու Մարիաննա Ֆրունջյանը՝ նշելով, որ հենց դրա համար է որոշել մուտք գործել քաղաքականություն:

Անդրադառնալով քարոզարշավի ընթացքին՝ բանախոսը նկատեց՝ ազգաբնակչության հետ շփումներում եկել է եզրակացության, որ համատարած անվստահության մթնոլորտ է, մարդիկ կասկածում են, որ իրենց ձայնը կարող է լսելի լինել:

«Մենք պետք է բարձրացնենք մարդկանց ինքնագիտակցությունը՝ նրանց վստահեցնելով, որ ոչ ոք չի կարող վերահսկել իրենց քվեարկություն՝ ոչ հորինված տեսախցիկներով գրիչների, ոչ էլ որևէ այլ միջոցով»,- ասաց Մարիաննա Ֆրունջյանը:

Բանախոսի համոզմամբ՝ եկել է պետականամետ ուժերի և մարդկանց համախմբվելու ժամանակը: «Մենք պետք է հասկանանք, որ աշխատում ենք ժողովրդի համար»,- ասաց նա:

Ինչ վերաբերում է ղարաբաղյան հակամարտությա ն կարգավորմանը, Մարիաննա Ֆրունջյանը նշեց՝ խաղաղության հասնելու համար շատ խորը, ստրատեգիկ քայլեր է պետք մշակել: