Ձեր վստահելի աղբյուրը

«Ընտրողներին հուզող ամենակարևոր հարցերից է՝ ամեն անգամ գնում ենք ընտելու, ընտրում մեր հավանած քաղաքական ուժին, ընտրությունից հետո արթանանում ենք և պարզվում է, որ կատարվել է մեկ այլ բան՝ վերատրադրվել է իշխանությունը: Ո՞րն է երաշխիքը որ չի կրկնվի ևս մեկ անգամ, հոգնել ենք»,- լրագրողների հետ հանդիպմանն ասաց ԱԺ ՀԱԿ խմբակցության ղեկավար, Կոնգրես-ՀԺԿ դաշինքի պատգամավորության թեկնածու Լևոն Զուրաբյանը:

Նա նշեց, որ  հիմա ամեն ինչ ժողովրդի ձեռքում է, որովհետև գործի են դրվում այնպիսի  մեխանիզմներ, որոնց շնորհիվ բացառվում է ընտրատեղամասերում ընտրության կեղծում:

Ներկայացնելով մեխանիզմները՝ տեսանկարահանող սարքեր, ընտրողների կողմից ստորագրված ցուցակների հրապարակում, Լ. Զուրաբյանն ասաց. «Վստահ եմ, որ իշխանությունները չեն դիմի ստորագրությունների կեղծմանը կամ տեղամասերում ուրիշի փոխարեն քվեարկությունը: Եթե իշխանությունները նման քայլ անեն, ամբողջ հանրությանը, միջազգային հանրությանը կտրամադրեն իրենց հանցագործության, իշխանության յուրացման փորձի մասին անհերքելի ապացույցներ»:

Նա նաև տեղեկացրեց, որ իրենց ստեղծել են ևս մեկ երաշխիք, մեխանիզմ. «Դա elections. anc. am կայքն է»: