Ձեր վստահելի աղբյուրը

Թուրքիան դադարեցնում է Սիրիայում «Եփրատի վահան» ռազմական գործողությունը: Այս մասին գրում է «Վեստի.ռու»-ն:

Երեկ երեկոյան ավարտված Ազգային անվտանգության խորհրդի նիստից հետո վարչապետ Յըլդըրըմը ուշագրավ հայտարարությամբ է հանդես եկել՝ նշելով, որ բավական արդյունավետ իրականացված գործողությունն ավարտվում է՝ միաժամանակ փաստելով, որ Ռաքքայի դեմ իրականացվելիք գործողության համատեքստում Թուրքիայի մասնակցության ձևաչափը (և մասնակցությունն ընդհանրապես) դեռևս անորոշ է:

Վերջինս, սակայն, ընդգծել է ահաբեկչական կառույցների դեմ այլ անվանումով ռազմագործողության հնարավորության մասին:

Աղբյուրը հիշեցնում է, որ ռազմական այդ գործողությունն իրականացվում էր  «Իսլամական պետություն» ահաբեկչական խմբավորման հնարավոր հարձակումներն ու վտանգները կանխելու, սիրիացիների վերադարձն իրենց երկիր, ինչպես նաև այնտեղ նրա անվտանգությունն ապահովելու համար:

Խորհուրդն անթույլատրելի է համարել ահաբեկչական կազմակերպություններին գումարով կամ զենքով օգնելը Քուրդիստանի աշխատավորական կուսակցության, Ժողովրդավարական միության ու Ազգային ինքնապաշտպանության ուժերի  կողմից: Նշվում է, որ նման գործողությունները Թուրքիայի դաշնակիցների կողմից հակասում են բարեկամական հարաբերություններին: