Ձեր վստահելի աղբյուրը

Ինչո՞ւ եք մարդկանց կոչ անում գնալ ընտրություններին, եթե Կալիֆոռնիայում հայտարարել եք, որ ընտրությունները կեղծվելու են,- Խորհրդարանական ընտրություններում դիտորդական առաքելության իրականացման նպատակով Երևան ժամանած կանադահայ կինոռեժիսոր Ատոմ Էգոյանից ասուլիսում հետաքրքրվեց լրագրողը:

«Ես պրովոկացիոն քայլ եմ անում՝ գիտակցելով դա, որպեսզի մարդկանց արթանցնեմ: Կարծում եմ, որ ակտիվ լինելով կարելի է կանխել այդ ամենը: Փաստեր կան, որ այդ ապօրինությունների դեմն առնելու համար քայլեր են կատարվում: Մեր նախաձեռնությամբ փորձում ենք իրավիճակը շտկել, ապագայի համար ներդրում ունենալ»,-ասաց նա:

Էգոյանն ասաց, որ ինքը լավատես է:

«Այս երկրին մահ է բերելու անտարբերությունը: Եթե մահ լինի, ապա դա լինելու է անտարբերության հետևանքով: Մենք այստեղ ենք աջակցելու համար: Սա մի պրոցեսի ավարտ չէ, ուղղակի աջակցություն է գալիքի, ներդրումն է ապագայում: Մենք մի խումբ հայրենասեր մարդիկ ենք, որ ներդրումն անում ենք այս կերպ»,-ասաց նա: