Ձեր վստահելի աղբյուրը

Մոսկվայի Տրետյակովյան պետական պատկերասրահում նկարիչ Հովհաննես Այվազովսկու ծննդյան 200-ամյակին նվիրված ցուցահանդեսն ընդգրկվել է 2016 թ. ընթացքում ամբողջ աշխարհում ամենաշատ այցելու ունեցած ցուցահանդեսների տասնյակում: 

«Կարծես, առաջին անգամ աշխարհում ամենաշատ այցելու ունեցող ցուցահանդեսների տասնյակում  ընդգրկվել է  ռուս նկարչին նվիրված ցուցադրություն»,-  գրել է The Art Newspaper-ը:

Այվազովսկու հետահայաց ցուցադրությունը զբաղեցրել է 8-րդ հորիզոնականը:

Միջազգային ցուցադրությունների վարկանշային ցուցակի առաջին երեք հորիզոնականն ավանդաբար զբաղեցնում են Ռիո դե Ժայներոյի ավճար ցուցադրությունները, այնուհետև՝ Նյու Յուրքի, Տոկիոյի, Սան Պաուլոյի ցուցահանդեսային ծրագրերը:

Ամենաշատ այցելու ունեցած թանգարանը, ինչպես միշտ, Լուվրն է (7,4 միլիոն վաճառված տոմս):  Էրմիտաժը երկրորդ տարին անընդմեջ 9-րդ տեղում է, Տրետյակովյան պետական պատկերասրահը՝ 23-րդն է:

Հիշեցնենք, որ Հովհաննես  Այվազովսկու ծննդյան 200-ամյակին նվիրված ցուցահանդեսը գործել է 2016 թ. հուլիսի 31-ից նոյեմբերի 20-ը: Ներկայացված էր ծովանկարչի 200 աշխատանք 17 թանգարանից և վեց մասնավոր հավաքածուից: Ցուցահանդեսն ունեցել է 600 հազար այցելու: