Ձեր վստահելի աղբյուրը

«Գալ իշխանության, փոխել երկրի իրավիճակը»,- Մ. Գալշոյանի անվան թիվ 148 դպրոցում տեղակայված 4/30 ընտրատեղամասում քվեարկելուց հետո ասաց ՀՀ նախկին վարչապետ, Ազատ դեմոկրատներ կուսակցության պատգամավորության թեկնածու Հրանտ Բագրատյանը` պատասխանելով լրագրողների հարցին, թե հանուն ինչի քվեարկեցիք։

Լրագրողների հարցին՝ հավատում եք, որ այս օրը հենց այն օրն է, որ պետք է ժողովուրդը դուրս գա և կարողանա իր քվեով ինչ-որ բան փոխել, պատասխանեց. «Այս պահին սահմանադրական այլ եղանակ գոյություն չունի»։

Ինչ վերաբերում է ընդդիմության հետ կոալիցիա կազմելուն Բագրատյանն ասաց. «Տեսնենք էլի, այնպիսի հարցեր եք տալիս, տեսնենք»։

Հարցին, թե իշխանության գալով առաջինը ինչ կփոխի նշեց. «Կոնկրետ ծրագիր ենք գրել, որ մեկն ասեմ։ Կարևորում եմ այն, որ նորմալ երկիր դառնանք, այս օլիգարխիկ կառավարումից պրծնենք, ժողովրդական երկիր դառնանք և տնտեսական, և սոցիալական առումով»։

Ազատ դեմոկրատներ կուսակցության պատգամավորության թեկնածուն ավելացրեց, որ գնում է կենտրոնական շտաբ և զբաղվելու է ահազանգերով։