Ձեր վստահելի աղբյուրը

«Քվեարկության օրը հանդարտ էր, խաղաղ, ընդհանուր առմամբ ընտրական գործընթացները պահպանվել են, գրանցող սարքերն արդյունավետորեն աշխատել են»,- լրագրողների հետ հանդիպմանն ասաց ԵԱՀԿ / ԺՀՄԻԳ ընտրությունների դիտորդական առաքելության ղեկավար, դեսպան Յան Պետերսենը՝ ներկայացնելով դիտորդական առաքելության նախնական եզրակացությունները:

Նրա խոսքով, իրենց նախնական եզրակացությունը պարունակում է և դրական, և բացասական տարրեր:

«Անհրաժեշտ է անդրադառնալ քվեարկության գաղտնիության խնդրին  և ընտրակաշառքի  խնդրին: Տեսնում ենք, որ այս ընտրություններում իրավիճակը բարելավվել է քվեարկության գաղտնիության առումով: Սա ընդգծում եմ, քանի որ սա ամենաառաջին քայլն է լուծելու համար վաղուց առկա քվեներ առնելու պրակտիկայի խնդիրը»,- ասաց նա:

Յան Պետերսենը նշեց, որ  քվեարկության ժամանակ նկատվել են հերթեր, կուտակումներ, կուսակցության ներկայացուցիչների, ոստիկանության կողմից միջամտություններ տեղամասային կենտրոններում:

Նա միաժամանակ ասաց, որ  Հայաստանում նոր Ընտրական օրենսգրքով է իրականացվել այս ընտրությունները, ժամանակ է պետք, մինչև բոլորն իմանան այս նոր համակագի մասին:

Յ. Պետերսենի խոսքով, դեռ երկու շաբաթ մնալու են Հայաստանում՝ հետևելու հետընտրական զարգացումներին, արդյունքների վերջնական տեսքին, բողոքների քննարկմանը: