Ձեր վստահելի աղբյուրը

Ընտրություններին նախորդած հսկայածավալ աշխատանքը, որ կատարվեց ինչպես խորհրդարանական ընդդիմադիր գործընկերների ու քաղհասարակության մասնակցությամբ, միջազգային հանրության աջակցությամբ, հեղափոխականորեն  ձևափոխեցին ընտրական կլիման: «Մեդիա կենտրոն»-ում նման կարծիք հայտնեց  Հանրապետական խմբակցության պատգամավոր Սամվել Ֆարմանյանը:

Նրա խոսքով, ընտրություններն իդեալական չէին, նման ընտրություններ չեն լինում նույնիսկ ժողովրդավարական կայացած պետություններում:

«Դեռ վաղ է գնահատականներ տալու համար: Ես հաջողություն եմ մաղթում բոլոր ուժերին: Կարող եմ ասել, որ քարոզարշավն ընթացավ հավասար ու մրցակցային պայմաններում, ուժերն ու թեկնածուներն ունեցան հավասար հնարավորությւոն իրենց տեսակետը, ուղերձը փոխանցելու համար»,-ասաց նա:

Պատգամավորն այս ամենը կարևոր ներդրում համարեց ժողովրդավարական երկրի կայացման համար: