Ձեր վստահելի աղբյուրը

Խորվաթիայի Սպլիտ քաղաքում 41 երկրների 275 ծանրորդներ (տղամարդիկ և կանայք) սկսել են պայքարը Եվրոպայի առաջնությունում:

ՀԱՕԿ-ը հայտնում է, որ այս մրցույթում առաջին անգամ կիրառվելու են նոր կանոններ:

1. կանանց պայքարում ավելացվել է նոր քաշային կարգ՝ մինչեւ 90 կիլոգրամ, որով վերացվել է նախկին՝ +75 կիլոգրամ գերծանր քաշային կարգում մասնակիցների անձնական քաշով պայմանավորված առավելությունը:

2. տվյալ քաշային կարգում հավասար արդյունքի արձանագրումն է: Եթե նախկինում երկու և ավելի ծանրորդ առանձին վարժություններում և երկամարտում ցույց էր տալիս միևնույն կիլոգրամները, առավելությունը տրվում էր անձնական ավելի թեթեւ քաշ ունեցողին:

Նոր կանոններով արդյունքը գրանցվելու է այն ծանրորդի անվան դիմաց, որն առաջինն է այն ֆիքսել: Այսպես ավելի դժվարանում ու կարևորվում է մարզիչների գործոնը, որոնցից այսուհետեւ պահանջվելու է ճիշտ գնահատել իր սանի հնարավորությունները և հաջորդ մոտեցման համար ավելի ճիշտ քաշ պատվիրել:

Հայաստանից Եվրոպայի առաջնությանը մասնակցող մարզիկներն են.

Տղամարդկանց հավաքական.  85 կգ՝ Անդրանիկ Կարապետյան, 94 կգ՝ Կարուշ Ղուկասյան, 105 կգ՝ Սիմոն Մարտիրոսյան եւ Սարգիս Գասպարյան, +105 կգ՝ Գոռ Մինասյան եւ Ռուբեն Ալեքսանյան:

Կանանց հավաքական.  58 կգ քաշային Իզաբելլա Յայլյան, 75 կգ Սոնա Պողոսյան,  90 կգ Տաթև Հակոբյան:

Մարզիչներն են՝ ծանրամարտի ֆեդերացիայի գլխավոր քարտուղար, տղամարդկանց հավաքականի գլխավոր մարզիչ Փաշիկ Ալավերդյան, կանանց հավաքականի գլխավոր մարզիչ Արտաշես Ներսիսյան: