ԱՀԿ-ն Առողջության համաշխարհային օրը նվիրել Է դեպրեսիայով տառապող մարդկանց աջակցությանը
Այս տարի առողջապահության համաշխարհային օրը ԱՀԿ-ն նվիրել է դեպրեսիային, իսկ օրվա կարգախոս է ընտրվել՝ «Եկ խոսենք»։ Օրվա առթիվ այսօր ՄԱԿ-ի հայաստանյան գրասենյակի նիստերի դահլիճում կազմակերպվել էր հանդիպում առողջապահության ոլորտի մասնագետմների հետ։
«Դեպրասիան շատ տարածված հիվանդություն է և կախված է երկրի զարգցամավ ու սոցիալական մակարդակից։ Դեպրոսիան տրամադրության սովորական փոփոխություն չէ, այն կարող է հաշմանդամություն առաջացնող պայմաններից մեկը դառնալ»,-նշեց ՄԱԿ-ի մշտական համակարգող, ՄԱԶԾ մշտական ներկայացուցւիչ Բերդլի Բուզետտոն։
Նա նշեց, որ դեպրեսիան նպաստում է տագնապային խանգարումների, թմրանյուերի կամ ալկոհոլի չարաշահումից առաջացած խաթարումների, ինչպես նաև այլ ոչ վարակիչ հիվանդությունների զարգացման աճին։
Հանդիպմանը ներկա ՀՀ գլխավոր հոգեբույժ Սամվել Թորոսյանի խոսքով՝ ընկճախտը տարածված հոգեկան խանգարում է։ Ախտանիշներն են՝ տրամադրության անկում, ինքնագնահատականի նվազում, սեփական եսի ու ապագային նկատմամբ վատատեսություն, քնի խանգարումներ, քնկոտություն, մեղքի զգացում, ախորժակի ու մարսողության խանգարումներ, սեռական ցանկության նվազում։
«Սա չի նշանակում, որ այս ախտանիշներից մեկի ի հայտ գալու պարագայում պետք է ասել, որ մարդու մոտ դեպրեսիա է։ Այս հատկանիշները պետք է պահպանվեն երկու շաբաթից ոչ պակաս՝ դեպրեսիա ախտորոշում տալու համար»,-ասաց Սամվել Թորոսյանը։
Հարցին, թե վիճակագրություն կա արդյոք Հայաստանում դեպրեսիայում տառապող մարդկանց՝ գլխավոր հոգեբույժն ասաց,ո ր հստակ վիճակագրություն չունեն. «180 գրանցում կա, սակայն դա վիճակագրություն չի կարելի համարել, քանի որ մարդիկ շատ հաճախ չեն դիմում բուժհաստատություններ։ Մենք շատ լավ մասնագետներ ունենք ոլորտում, սակայն լինում են դեպքեր, երբ մարդիկ դեպրեսիայից ազատվելու համար դիմում են թուղթ ու գիր անողներին, մոմ թափողներին»։
Մասնագետի խոսքով՝ ընկճախտն ու ֆիզիկական առողջությունը փոխկապակցված են։
Ինչ վերաբերում է հիվանդության բուժմանը՝ մասնագետները նշեցին, որ այն կարելի է կանխարգլել ու բուժելը հենց առաջին հերթին խոսելու թերապիայով՝ ինչի մասին էլ հենց այս տարվա կարգախոսն է։
Մասնագետների կարծիքով՝ դեպրեսիան կարելի է և հնարավոր է բուժել ոչ մասնագիտական բժշկական հաստատություններում, իսկ բուժմիջամտությունները պետք է ներառվեն այլ ոչ վարակիչ հիվանդությունների կանխարգելման և բուժման ծառայությունների համակարգում, ինպես նաև գերակա նպատակային ծրագրերում՝ ինչպիսին են մոր, մանկան և դեռահասների առողջության պահպանման ծրագրերը։
Ըստ առողջապահության համակարգի գործունեության գնահատման 2016 թվականի զեկույցի՝ Հայաստանի բնակչության 40 տոկոսը գտնվում է թեթև դեպրեսիվ վիճակում, 2,9 տոկոսը՝ միջին, իսկ ծանր աստիճանի դեպրեսիայի տարածվածությունը կազմում է 0,1 տոկոս։
Լրահոս
Տեսանյութեր
Քեզ ըտենց Դո՞գն է ասել. Լարված վիճակ Երևանի ավագանիում
