Ձեր վստահելի աղբյուրը

Դերասան և Կալիֆորնիայի նախկին քաղաքապետ Առնոլդ Շվարցենեգերը որոշել է չնկարահանվել «Անորսալիները» ֆիլմաշարի 4-րդ մասում առանց Սիլվեստր Ստալոնեի: Գազետա.ռու կայքը, հղում անելով The Independent-ին, գրում է, որ ավելի վաղ հայտնի էր դարձել, որ Ստալոնեն դուրս է եկել նախագծից Nu Image/Millennium –ի ղեկավարի հետ ունեցած ստեղծագործական տարաձայնությունների պատճառով, որոնք վերաբերվել են նոր ռեժիսորին, սցենարիստին և որոշ որակական տարրերի: Ստալոնեն մասնակցել է նախկին երեք ֆիլմերի սցենարը գրելուն, նա նաև եղել է առաջին ֆիլմի (2010 թ.) ռեժիսորը:

Շվարցենեգերը հայտարարել է, որ առանց Ստալոնեի չկա «Անորսալիները»:

«Ես երբեք առանց նրա չէի անի ֆիլմը, ոչ»,- ասել է դերասանը:

Շվարցենեգերի խոսքով, եթե նույնիսկ Ստալոնեին համոզեն վերադառնալ նախագիծ, ապա ինքը կմիանա աշխատանքներին միայն իր կերպարը բավականին մշակելուց  հետո:

«Գիտեք, կարծում եմ, որ առաջին և երկրորդ մասերը հիանալի էին: Բայց երրորդը, ինձ թվում է, իմ դերը լավ արտացոլված չէր»,- հավելել է Շվարցենեգերը: