Մայիսից պարտադիր է դառնալու մորթը սպանդանոցում
«ՍԱՊԾ-ն նախորդ վեց ամիսներին իրականացրել է կառավարության ծրագրով նախատեսված բոլոր կարճաժամկետ միջոցառումները, որոնք հնարավորություն են տվել անհրաժեշտ բոլոր նախադրյալները ձևավորել սննդամթերքի անվտանգության բնագավառում արագ փոփոխություններ արձանագրելու համար»,-այսօր լրագրողների հետ հանդիպմանն ասաց ՀՀ ԳՆ սննդամթերքի անվտանգության պետական ծառայության պետ Իշխան Կարապետյանը:
«Այս վեց ամիսներին իրականացված ախտորոշման արդյունքում վեր են հանվել բազմաթիվ խնդիրներ, որոնք առկա են ոլորտում, ըստ առաջնության դասակարգվել են այն խնդիրները, որոնց շարքին են պատկանում հաց-հացամթերք, միս-մսամթերք տեղափոխող տրանսպորտային միջոցների նկատմամբ համապատասխան պայմանների կիրառումը, այս խնդիրը պահանջում է համակարգային լուծում»,-ասաց նա։
Իշխան Կարապետյանը նշեց, որ կիրառելու են նորամուծություն, որը վերաբերելու է հացամթերքի և մսամթերքի տեղափոխմամը. «Հաց և միս տեղափոխող ավտոմեքենաներին տրամադրվելու է սանիտարական անձնագիր։ Փաստաթղթերը այժմ գտնվում են արդարադատության նախարարությունում, որպեսզի գրանցվեն։ Սանիտարական անձնագիր չկիրառելու դեպքում վարչական պատասխանատվության կենթարկվեն»։
ՍԱՊԾ պետն ասաց, որ մայիսի 1-ից պարտադիր է դառնալու նաև մորթը սպանդանոցում. «Սպանդանոցային մոթին անցումը ենթադրում է որոշակի վերլուծություններ, թե մսի իրացումը հիմնականում ՀՀ որ տարածքներից և ինչ ծավալներով է կատարվում»։
Հարցին, թե սպանդանոցների թիվը բավական է հանրապետությունում, նա պատասխանեց, որ այսօր իրենց բազայում գրանցված է 13 սպանդանոց, որոնք իրենց արտադրական հզորությամբ կարող են ապահովել ողջ ծավալը. «Սակայն մեր կատարած ուսումնասիրությունները ցույց են տալիս, որ աշխարհագրական դիրքի սփռվածությունը հաշվի առնելով կարիք կա Գեղարքունիքում 8, Լոռիում՝ 4, Շիրակում՝ 5, Սյունիքում և Տավուշում՝ 3 սպանդանոցի»։
Լրագրողների դիտարկմանը՝ թե տեսչական ծառայությունները ասոցացվում են կուռուպցիայի հետ, Իշխան Կարապետյանն ասաց. «Ծառայությունում ներդրվել են վերահսկողության և կառավարման այնպիսի մեխանիզմներ, որոնք նվազագույնի են հասցնում կամ բացառում են կոռուպցիայի ռիսկերը։ Մենք կողջունենք ցանկացած նախաձեռնություն, որը միտված կլինի հասցեական և կոնկրետ բացահայտելու այն դեպքը, որը կվերաբերի նման դրսևորումներին»։
Հարակից հրապարակումներ`
- ՍԱՊԾ. Կասկածելի ժամկետով տորթի վաճառքը կասեցվել է
- Հացի և հացաբուլկեղենի փոխադրամիջոցների համար սանիտարական անձնագրեր կգործեն
- ՍԱՊԾ. Մի քանի սպանդանոցներ պատրաստ են ապահովել իրացման ցանցներին մսով
- ՍԱՊԾ-ն անասնաբուժասանիտարական փորձաքննություն իրականացնող ընկերություններում հայտնաբերել է խախտումներ
- Գումի մսի շուկայի՝ սանիտարահիգիենիկ նորմերին չհամապատասխանող կետերը կփակվեն
- Սննդամթերք տեղափոխող բոլոր ավտոմեքենաներն այսուհետ պետք է պարտադիր կարգով սանիտարական անձնագիր ունենան. Վ. Դանիելյան
- Բաբկեն Պիպոյանը՝ մսի շուկայում առկա խնդիրների մասին
- Գումի մսի շուկան՝ ՍԱՊԾ հորդորից հետո
- Հանրապետության մի քանի սպանդանոցների մոտ իրացման խնդիրներ կան
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
